رێڤەبەریا كار بزاڤا كێمكرنا بێكاریێ دكـەت
هەرهین محەمەد:
سەگڤان رەشید، نوونەرێ خودان كۆمپانێن كرێكارێن بیانی بۆ رۆژنامەیا ئەڤرۆ دیاركر، ب بڕیارا سەرۆكێ حكومەتا هەرێما كوردستانێ هەر پڕۆژەكێ بازرگانی یان كارگەهەك بیت، پێدڤیە سێ كرێكارێن خۆمالی ژ نوی ئێكێ بیانی لێ كاربكەت و دبێژیت: نوكە رێنمایی هاتینە گوهارتن، هەكە كۆمپانیەك كرێكارەكێ بیانی بینیت ئەمانەت و تەئمینانتێن وی پتر لێهاتینە و هەكە سی كرێكارێن خۆمالی ژی ل گەل بن، دڤێت تەئمیناتێن وان ژی بهێنەدان، دو ملیۆن دینار ژی بۆ رێڤەبەریا كار بهێنەدان، دیسا ملیۆنەك ژی ل گوهۆڕینا ڤیزێ بهێتەدان، هەتا مفا ژ كرێكارێ بیانی دهێتە وەرگرتن.
ئابورناس عەبدولكەریم شێخ حەماد، رێڤەبەرێ كار ل دهۆكێ بۆ رۆژنامەیا ئەڤرۆ گۆت: «ئەو رێنمایێن نوو دەركەفتین گرێدای كرێكارێن بیانی نە، ئەڤ رێنمایە سالەكە دەركەفتین، لێ وەزارەتێ دەلیڤە دابوو كۆمپانیان، داكو خوە ل گەل وان رێنماییان بگونجینن، ئەڤ رێنمایە هاتینە دانان، دا كو بشێین رێژەیا بێكاریێ ل پارێزگەها دهۆكێ كێم بكەین».
