ریال مەدرید و مانچستەر ستی د دووماهییەكا پێشوەخت دا
جەماوەرێ وەرزشی چاڤەڕێ چار ژ دیدارێن پاشكۆ یێ ئەڤ شەڤە نە ئەوێن دێ ژ چارچووڤەیێ قارەمانییا یانەیێن ئۆرۆپا قارەمانێن خولا چامپیۆنز لیگ دەربازبوون بۆ قۆناغا16ێ هێنە كرن، ئەو دێ بشێوەیی هاتن و چوون دناڤبەرا 16 یانەیان هێتە كرن هەشت یانە دێ دەربازبنە قۆناغا 16ێ و دێ یاریێ بەرانبەر یانەیێن رێزێن ئێكێ و هەشتێ یێن د قۆناغا ئێكێ دا هاتین.
ریال و مان ستی ئاگرینە
ئێك ژ یاریێن ب هێز یێن ئەڤ شەڤە ل دەمژمێر 11ێ‌ل یاریگەها ئیتحاد باژێرێ ستی دناڤبەرا خودان ئەردی مانچستەر ستی یا ئنگلتەرایێ و ریال مەدرید یا ئسپانی كو دبیتە دیدارەكا ئاگرین و پرانییا پشتەڤانێن وەرزش چاڤەڕێ نە، ژبەركو هەردو تیم ژ زلهێزێن فوتبۆلا جیهانێ نە و باشترین یاریزان هەنە و خودان ناسناڤن، ریال مەدرید خودانا 15 ناسناڤێن چامپیۆنزێ و مان ستی ل 2023ێ ئێكەم ناسناڤ ئینابوو، ئەڤ بۆ ماوەیێ چار وەرزە ل دووڤ ئێك هەردو یانە بەرانبەر ئێك دبن، د12 یارییان دا بەرانبەر ئێك بووینە، هژمارەیا چار زالبوویە ل سەر وان، چار سەركەفتن، چار خوسارەتی و چار وەكهەڤی هاتینە.
یۆڤانتۆس و پاریس د دەلیڤەیێن دووماهیێ دا
هەر ژ یاریێن ئەڤرۆ یێن قۆناغا پاشكۆ ل دەمژمێر 8:45 شەڤ یانەیا پاریس سانجێرمان دێ بیتە مێڤانا ستاد برێست د دیدارەكا فرەنسی دا، ترس هەیە برێست بەردەوامیێ بدەتە سۆپرایزێن خوە، لێ یانەیا پاریسی ئاستێ خوە باشكریە ودێ بهێز بەرانبەر ڕاوەستیت، دناڤ ئەرد و جەماوەرێ خوە دا یانەیا یۆڤانۆتس یا ئیتالی بەرانبەر ئاستەنگا ئایندهۆڤن یا هۆلەندی یاریێ كەت، هەرچەندە هەردو تیما د قۆناغا كۆمان دا یاری بەرنبەر ئێك كریە و یۆڤی ب3-1 سەركەفتن ئینابوو، لێ ئەڤ قۆناغە هەستیارە دبیت ئەو ئەنجامە دوبارەنەبیت، ژلایەكێ دووڤە یانەیا بۆرۆسیا دۆرتمۆند یا ئەلمانی دێ بیتە ب گوهۆڕینێن نوو دێ بیتە مێڤانا یانەیا سپۆرتینگ لەشبۆنە یا پۆرتۆگالی، هەردو یاریێن دێ ل دەمژمێر 11 شەڤ هێنە كرن.
ئەو یانەیێن ئێكسەر دەربازبوونە قۆناغا هەشتێ هەر ئێك ژ لیڤەرپۆل، بەرشەلۆنا، ئارسنال، ئینتەر میلان، ئەتلەتیكۆ مەدرید، بایرلیڤەركۆزن، لیل و ئاستۆن ڤێلا.
