ترامپ: من نەڤێت ئسرائیل ئێرشی ئیرانێ بکەت
دۆنالد ترامپ سەرۆکێ ئەمریکا راگەهاند وی دڤێت ل گەل ئیرانێ رێککەڤیت و دووماهیێ ب بەرنامێ ئەتۆمی یێ ئیرانێ بینیت، هەکە ئیران دەست ژ بەرنامێ ئەتۆمی بەرنەدەت دێ ئسرائیل ئێرشی ئیرانێ کەت و دێ ئیرانێ ژناڤ بەت، لێ من دڤێت تشتەک وەسا روو نەدەت و باشترە بەرپرسێن ئیرانێ دەست ژ بەرنامێ ئەتۆمی بەردەن.
ل ئالیێ دی عەلی خامنەیی رێبەرێ شۆرەشا ئیسلامی یا ئیرانێ ژی دیار کر، دانوستاندنێن ل گەل ئەمریکا چو ئەنجامێن خوە نابن، چونکی بەری نها ئەمریکا پێگیری ب رێککەفتنا ل گەل ئیرانێ نەکریە و ژ بەر ڤێ یەکێ ژی وەکو ئیران ئەو ل گەل ئەمریکا چو دانوستاندنان ناکەن.
چاڤدێرێن سیاسی ژی وەسا دبینن د سەردەمێ دەستهەلاتا ترامپی دا دێ گوهۆڕینێن گەلەک مەزن روو دەن و دبیت دەستهەلاتا نها یا ئیرانێ ژناڤ بچیت یان ژی گەلەک لاواز ببیت.
