ئۆکرانیا: دڤێت ئەمریکا و ئۆرۆپا گەرەنتیێ بدەنە مە
سەرۆکێ ئۆکرانیایێ دیار کر ئەو بەرهەڤن ب مەرج ل گەل رۆسیا دەست ب دانوستاندنان بۆ راگرتنا شەڕی و چارەسەرکرنا پرسێن هەی بکەن، لێ ژ بۆ ڤێ یەکێ ژی دڤێت ئەمریکا و وەلاتێن ئێکەتیا ئۆرۆپا گەرەنتیا پاراستنا وەلاتێ مە بدەن، چونکی نها رۆسیا هەست ب ڤێ یەکێ دکەت دشێت پتر ئاخا ئۆکرانیایێ داگیر بکەت و ژ بۆ دانوستاندنان ژی رۆسیا گەلەک داخوازی هەنە کو ژ ئالیێ ئۆکرانیایێ ڤە ناهێنە قەبوول کرن.
زیلێنسکی ئەو یەک ژی دیار کر، وان بەری نها ژی دیار کرینە دڤێت رۆسیا ژ هەموو ئاخا ئۆکرانیایێ دەرکەڤیت و رێزێ ل سەروەریا ئاخا ئۆکرانیایێ بگریت، لێ دیارە رۆسیا کارەک وەسا ناکەت و ژ بەر ڤێ یەکێ ژی وەکو ئۆکرانیا ئەو بێی گەرەنتیەکێ ژ ئالیێ ئەمریکا و وەلاتێن ئێکەتیا ئێکەتیا ئۆرۆپا ڤە بەرهەڤ نینن ل گەل رۆسیا دەست ب دانوستاندنان بکەن، چونکی هەکە گەرەنتیەک نەبیت دێ گەلەک ئاریشێن مەزن بۆ پاشەرۆژا ئۆکرانیایێ دروست بن.
