ل دەمێ كڕینا زێڕی دو تشت د گرنگن
سندس سالح سلێڤانەیی:
ئارین نوری ئالەكینی، زێڕگرەنكێ خەلكێ دهۆكێ یە، د دیدارەكێ دا بۆ رۆژنامەیا ئەڤرۆ گۆت: دسالێن 1990 دا، چنكو ئامیرێن پشكنینێ یێن گەلەك باش نەبوون، لەورا ب دروستی ئەم نە دشیاین زێڕێ باش بنیاسین، هەر چەندە ئەو خوە یێ باش بوو، هەروەسا د بن كنترۆلا حكومەتێ دا داهات، لێ پشتی سالا 2000 ئامیرەیێن باش و پێشكەفتی بۆ پشكنینا زێڕی هاتنە د مەیدانێ دا و بڤێ رەنگی كنترۆلەكا باش ل سەر زێڕی هاتە كرن، لێ تشتێ گەلەك فەر ئەوە دەمێ كەسەك دهێت زێڕی دكریت، دڤێت دو تشتان ب گرنگی وەربگری، یا ئێكێ كا وی زێڕی مۆر(ختم) ل سەر هەیە یان نە و یا باش ئەوە یێ (ختم) كری بیت، یێ دویێ ژی ل دەمێ كڕینێ دڤێت تۆ پسۆلێ ژ زێڕگری وەربگری و هەموو تشت ب ئاشكرای ل سەر هاتبنە نڤیسین، چنكو ل دەمێ فرۆتنێ دا كەس چو فێلان لێ نەكەت، بۆ زانین هەتا نوكە ل بازاڕێ دهۆكێ زێڕێ عەیار(21) پتر ژ هەموویان دهێتە فرۆتن، هەر وەسا زێڕێ عەیار (21) ژ هەر كیلۆیەكێ (875) گرام زێڕن و (125) گرام ژی (سفرن) هەروەسا یێ عەیار (22) هەر كیلۆیەكێ (960) گرام زێڕن و یێ مای سفرە.
