پشتی چار سالێن دووركه‌فتنێ كلیپا بابۆ هاته هه‌بوونێ
هەرهین:
سترانبێژ محه‌مه‌د جان د دیداره‌كێ دا بۆ به‌رپه‌رێ هونه‌ری یێ رۆژنامه‌یا ئه‌ڤرۆ دیاركر كو نوكه ئه‌و مژوولی چێكرنا سترانه‌كێ یه بناڤێ (بابۆ) كو ژ په‌یڤێن وه‌لید یوسڤ و ئاواز ده‌رمان كاره‌گوزه و ده‌رهێنان كامیران بێتاسی و ل گه‌ل گروپێ مۆزیكێ رۆژ ل زاخۆ وكلیپ دمونتاژێ دایه و ژڤانه ل نێزیك بهێته به‌لاڤكرن.
جانی هێشتاژی گۆت: ئه‌گه‌رێن دووركه‌فتنا من ژ سترانگۆتنێ ئه‌وه بابێ من نه‌خۆش بوو پاشی چوو به‌ر دلوڤانیا خودێ و پشتی چار سالان ژ وه‌غه‌ركرنا وی من ئه‌ڤ كلیپه چێكرو وه‌كو چیرۆكه‌كێ بده‌مه به‌رچاڤێن خه‌لكی و بزانن باب گه‌له‌كه بۆ زارۆكێن خوه گۆتنا سترانێ ژی وه‌كو راستیه‌كێ یه مرۆڤ دئینته سه‌ر زمان و گه‌له‌ك چیرۆكێن راست بئینته پێش چاڤێن خه‌لكی، چونكو گه‌له‌ك تشتێ ڤه‌شارتی هه‌یه دناڤ جڤاكی دا مرۆڤ نابینت ب گوتنا سترانێ و چیرۆكێ دهێته دیاركرن و دیتن و دڤێت ستران یا دجهێ خوه دا بیت و یا پری رامان بیت جهه‌كی بگریت، چونكۆ ستران نه بۆ رۆژه‌كێ یه، به‌لكو بۆ هه‌تا هه‌تایێ یه‌و یێن پشتی مه‌ژی دهێن دێ گوهداریێ كه‌ن گۆت: ئه‌و سترانا بهێته چێكرن و دو هه‌یڤ پێڤه بچن زویكا بمریت ئه‌وێ سترانێ چو زه‌حمه‌ت پێڤه نه‌بریه و چ بنیات بۆ نینه، به‌لێ هه‌كه سترانبێژ هزرا خوه دسترانێ دا بكه‌ت و بكه‌ڤیته قاونی ، ئانكو سه‌رهاتی و چیرۆكه‌كا باش بیت ئه‌و سترانه چو جاران نامریت هه‌كه چه‌ند سوشیال میدیا یا بهێز بیت.
ل دووماهیێ گۆت: د نوكه دا دبیت بۆ گه‌له‌ك سترانبێژان ده‌ست نه‌ده‌ت كچكان بكه‌نه دكلیپێن خوه دا و نوكه هه‌موو تشت یێ گران بووی و چو مه‌زاخی بۆ سترانبێژی ناهێته‌كرن و گه‌له‌ك سترانبێژ هه‌نه دخودان شیان و ده‌ستخوه‌ش، به‌لێ چ پشته‌ڤانی نینه و دبینم هه‌كه ستران بخوازیت كچ دكلیپێ دا بیت تشته‌كێ باشه و یا جوانه وه‌كو چیرۆك، ب ئه‌ركێ ئه‌كته‌ریێ رابیت.
