نەتـانیاهـۆ گـەفا ژناڤبرنا حـەماسێ دکـەت
سەرۆک وەزیرێن ئسرائیلێ دوهی جارەکا دی راگەهاند کو حەماس پێگریێ ب رێککەفتنێ ناکەت و سڤکاتیێ ب گرتیان دکەت، ژ بەر ڤێ یەکێ ژی ئسرائیلێ بریار دایە گرتیێن فەلەستینی یێن د دەستێ خوە دا ئازاد نەکەت و دێ ب توندی ژی بەرسڤا حەماسێ دەت.
بنیامین نەتانیاهۆ جارەکا دی گەفا ژناڤبرنا حەماسێ کر و راگەهاند کو حەماس بوویە مەترسیەکا گەلەک مەزن بۆ ئسرائیلێ، د دەمێن بۆری دا ئیسرائیلێ شیایە دربێن کوژەک ل حەماسێ بدەت، لێ ڤێجارێ ئسرائیل دێ حەماسێ ژناڤ بەت و ئێدی ناهێلین حەماس ژ ئالیێ ئیرانێ و وەلاتێن دی ڤە ل دژی ئسرائیل بهێتە بکارئینان، چونکی حەماسێ سەلماند ئەو چو رێزێ ل رێککەفتنا بەری نها ناگریت و مە بەری نها ژی هۆشداری دابوو حەماسێ کو سڤکاتیێ ب گرتیێن ئسرائیلێ نەکەت، لێ مخابن حەماس ل سەر هەلوەستێ خوە یێ خراب بەردەوامە و دێ ئسرائیل ژی یا پێدڤی ل دژی ئسرائیلێ کەت.
