ئێدی ئەركێ زاخۆ ب زەحمەتە
حاجی دوسكی
د دیرۆكا یانەیا زاخۆ دا هەر ژ دەسپێكا دامەزراندنا وێ ل سالا 1987ێ، چ وەرزان وەكو ڤی وەرزشی جەماوەرێ خابووری دلخوەش نەبووینە، ژبەر وان ئەنجامێن مەزن دەستڤە
هاتین، بڤان ئەنجاما ئەم شێن بێژین ئەڤ یانە بوویە خودان جەماوەر ل سەرانسەری ئیراقێ و كوردستانێ، ئیدی جەماوەر و شلۆڤەكارێن وەرزشی ل ئیراقی دبێژین خۆشییا خولا ستێرین ئیراقێ یانەیێن هەرێما كوردستانێ نە، ژبەر وێ رێكوپێكییا دناڤ كارێ وان دا هەی، ژلایەكێ دیڤە یانەیا دهوك یا هەموو بزاڤا دكەت بهێتە د هەڤڕكییا سەرێ لیستێ دا، دێ چەند جەماوەرێ كوردستانێ دلخوشتر بیت هەكە هەردو پلێتێن ئێك و دو د دەستێن یانەیێن پاریزگەهێ دابن ئەڤچەندە دوور نابینم، ئێدی ئەو سەردەم دەربازبوو دەمێ دكۆتن خولا ئیراقێ هەڤڕكی دناڤبەرا زەورا،جەویە و شورتە دایە.
ئەڤرو یانەیا زاخو دیاركر دیرۆكا زەورا و شۆرتە نابیتە بەرەڤان بوو برنا ناسناڤی دڤێ قۆناغێ دا زاخو دێ بزاڤێ كەت سەرێ لیستێ پارێزیت، هەرچەندە كاروانێ ناسناڤی دوورە لی ئەڤە دبیتە پێنگاڤا ئێكێ بۆ پاراستنا ڤێ قۆناغا هەستیار، دڤێت ئەم راستگوبین چ جەماوەر یان چاڤدێرێن وەرزشی ئەركێ زاخۆ دێ ب زەحمەت بیت ئەڤ گۆتنە رامانا وێ چەندی نادەت ئەم شیانین ڤێ یانێ كێمبكەین بەروڤاژی دناڤ هەیكەلێ یانێ دا پترییا شیانین دەستڤە ئینانا ناسناڤی هەنە لێ وەكو مە دیاركری برنا خولێ چەند قۆناغ دڤێن، یا ئێكی دەربازبوونا قوناغێن داهاتی گرنكترن، یا هەرە گرنك فەرە كارگێریی ب هووری ل سەر راوستیت دگەل ستافێ راهێنەران ئەوژی پاراستنا هێزا تیمی بۆ یاریێن داهاتی دڤێت ئارمانجا وان بتنێ سەركەفتن بیت دگەل ڤێ چەندی دووركەڤتنا یاریزانا ژ غرورێ دگەل هەر تیمەكا دی بیت، یاریزان بزانیت ئێدێ بەرپرسیارەتیا وان مەزنتر لێهاتیە خوە دووركرن ژ وەرگرتنا وان سزایێن دبنە ئەگەرێ دووركەڤتنا وان ژ یارییا، هەتا نوكە جەماوەرێ زاخۆ بوویە ترنێد ل سەر ئاستێ ئیراقێ دڤێت ڤێ چەندێ پارێزیت د بەرژەوەندییا تیما خوە دا نە بنە ئەگەرێ دووركەڤتنا تیما وان ژ یاریین خوە ل یاریگەها زاخۆ.
