پارتا کۆماری هۆشداریێ ددەتە ئاکپارتیێ
ئوزگور ئۆزەل سەرۆکێ گشتی یێ پارتا کۆماریا گەل راگەهاند کو ل ئالیەکێ ئاکپارتی بەحسێ ئاشتیێ دکەت و ل گەل دەم پارتیێ دانوستاندنان دکەت و ل ئالیێ دی هەر رۆژ سەرۆکێن باژێرڤانیان کو ب دەنگێ خەلکی هاتینە هەلبژارتن ژ کاری دوور دکەن، ئەو یەک ژی ناهێتە قەبوول کرن و دێ ئەنجامێن خوە یێن گەلەک خراب بۆ تورکیا هەبن، دڤێت ئاکپارتی رێزێ ل دەنگێ وەلاتیێن تورکیا ب تایبەتی ژی کوردان بگریت و دەست ژ سیاسەتا قەیوومان بەردەت.
ل ئالیێ دی سەزگین تانریکولو ئەندامێ پەرلەمانێ تورکیا سەر ب فراکسیۆنا پارتا کۆماریا گەل ژی راگەهاند کو دانانا قەیوومان ژ ئالیێ دەستهەلاتا ئاکپارتیێ ڤە شەرمەکا مەزنە و دڤێت ئاکپارتی رێزێ ل دەنگێ خەلکی بگریت، یا نها ئاکپارتی ل دژی دەنگدەرێن کورد دکەت ب چو رەنگەکێ ناهێتە قەبوول کرن و دڤێت ئاکپارتی دەست ژ سیاسەتا خوە یا شاش ل دژی دەنگدەرێن کورد بەردەت.
