پرانیا قوتابیان گرنگى دایه هه‌ستا نه‌ته‌وه‌یى
ئه‌ڤرۆ، رێوار مزیرى:
ل ژێر چاڤدێریا (عه‌بد یۆسڤ ئه‌حمه‌د) رێڤه‌به‌رێ گشتى یێ په‌روه‌ردێ ل دهۆكێ، دوهى رۆژا دووشه‌مبى 30/3/2015 ل ده‌مژمێر 11ى سپێدێ پێشانگه‌ها سالانه یا شێوه‌كارى و كارێن ده‌ستى بۆ قوتابخانێن بنه‌ره‌ت یێن په‌روه‌ردا رۆژئاڤا (1-6) و (1-9) ل هۆلا پشكا چالاكیێن قوتابخانا/ رۆژئاڤا هاته ڤه‌كرن.
كه‌ڤر كه‌مال به‌رپرسێ چالاكیێن قوتابخانان ل په‌روه‌ردا رۆژئاڤا بۆ ئه‌ڤرۆ نیۆز دیار كر: د ئه‌ڤ ساله دا هه‌موو قوتابخانێن بنه‌ره‌ت پشكدارى پێشانگه‌هێ بووینه ژمارا وان دبیته 47 قوتابخانه و 2هزار و 758 قوتابى و كارێن ڤان قوتابیان ژ لایێ لیژنه‌كا بسپۆر ڤه دێ هێنه هه‌لسه‌نگاندن و سێ قوتابخانێن سه‌ركه‌فتى یێن ئێكێ دێ هێنه خه‌لاتكرن.
هه‌روه‌سا ناڤهاتى گۆت: د پێشانگه‌ها ئه‌ڤ ساله دا گه‌له‌ك قوتابیان گرنگى دایه هه‌ستا نه‌ته‌وه‌یى د كه‌ڤالێن خوه دا و رۆلێ پێشمه‌رگه‌یێن قه‌هره‌مان دیاركریه و جوداهى هه‌بوویه دگه‌ل سالێن بۆرى.
ل دووماهیێ كه‌ڤرى گۆت:ڤان پێشانگه‌هان گه‌له‌ك گرنگیى یا خوه هه‌یه، چونكو قوتابى شیانێن خوه به‌رچاڤ دكه‌ن و قوتابى بۆ خوه مفایى ژ كارێن هه‌ڤدۆ وه‌ردگرن و هه‌ڤنیاسین د ناڤبه‌را وان دا په‌یدا دبیت.
ئه‌نجامێن قوتابخانێن سه‌ركه‌فتى ب ڤى شێوێ ل خوارێ بوون
سه‌ركه‌فتیا ئێكێ/ قوتابخانا هه‌لمه‌ت ب 84 خالا
سه‌ركه‌فتیا دویێ/ قوتابخانا جیهان ب 79 خالا
سه‌ركه‌فتیا سێیێ/ قوتابخانا زانكۆ ب 78خالا
