سەردار یەحیا ، قایمقامێ قەزا شێخان راگەهاند، حوكمەتا هەرێما كوردستانێ ب گوژمێ 240 ملیار دیناران 187 پرۆژە ل شێخان ئەنجامداینە، هندەك پرۆژە نوكە د قوناغا چێكرنێدانە و هندەك پرۆژە كەڤتینە دخزمەتا خەلكێ دەڤەرا شێخاندا كۆ چەندێن پرۆژێن ستراتیژی بووینە، ژ وانا ژی رێیا شێخان بۆ لالش و رێیا ناحیا باعەدرێ بۆ دهۆكێ و رێیا خەنس بۆ مرێبا و گەلیێ خودێدا و ئاڤاكرنا قوتابخانەیێن 18 رێزی كۆ پرۆژە هەمی دەڤەران هاتینە چێكرن.
سەردار یەحیا، قایمقامێ قەزا شێخان راگەهاند، د كەرتێ پەروەردە و ساخلەمیێ و رێك و پران و كارەب و باژێرڤانیێ چەندین پرۆژە ل قەزا شێخان ل سەر بودجەیا حكوومەتا هەرێما كوردستانێ هاتینە چێكرن و كاروانێ ئاڤەدانێ ل شێخان یێ بەردەوامە ژلایێ حكوومەتا هەرێما كوردستانێ ڤە و سال بۆ سالێ پتر پرۆژە كەڤنە دخزمەتا خەلكێ دەڤەرا شێخاندا.
توكەز كر، حوكمەتا هەرێما كوردستانێ گەلەك گرنگی شێخان دایە بۆ چێكرنا پرۆژان نوكە چەندین پرۆژە لسەر بودجەیا حكوومەتا هەرێما كوردستانێ د قوناغێن چێكرنێدانە.
سەردار یەحیا راگەهاند، پێدڤیە ساڵانە ئیدارا نەینەوا ب رێژا پتر 12% بوودجەیا نەینەوا بۆ شێخان تەرخان بكەت كۆ ئەڤە چەندێن ساڵن ئیدارا نەینەوا ب رێژا 1% پارە بۆ شێخان تەرخان دكەت ل دووڤ ماف و شایستەیێن خەلكێ شێخان پارە تەرخان ناكەت بۆ چێكرنا پرۆژان ل شێخان.

کۆمێنتا تە

62 queries in 0.918 seconds.