دەم پارتی: پەیاما ئۆجەلانی دێ یا ڤیدیۆیی بیت
هەڤسەرۆکا دەم پارتی د داخۆیانیەکێ دا راگەهاند ل گۆر زانیاریێن گەهشتینە وان پەیاما سەرۆکێ پەکەکێ دێ یا ڤیدیۆیی بیت و دبیت د دەمەکێ نێزیک دا پەیاما ئۆجەلانی بهێتە بەلاڤکرن.
تولای هاتیم ئۆ‌غۆللاری د داخۆیانیەکێ دا راگەهاند کو نها هەر کەس چاڤەرێی پەیاما ئۆجەلانی یە، ل گۆر زانیاریێن گەهشتینە وان دێ پەیاما ئۆجەلانی یا ڤیدیۆیی بیت لێ سەبارەت ب ناڤەرۆکا پەیامێ جارێ چو زانیاریێن تەمام ل بەر دەستێ وان ژی نینن.
ئەو یەک د دەمەکێ دایە کو دوهی بەرپرسەکێ پەکەکێ ژی دیار کربوو دڤێت پەیاما ئۆجەلانی یا ڤیدیۆیی بیت دا پتر کاریگەریا خوە هەبیت.
ل ئالیێ دی بەری چەند رۆژان سەرۆکێ پەرلەمانێ تورکیا ژی دیار کربوو ئەو چاڤەرێ نە کو ئۆجەلان ب پەیامەکێ داخواز ژ پەکەکێ بکەت دا دەست ژ چەکی بەردەت.
