پێدڤیە كەڤال ل مالان و ئۆتێلان بهێنە هەلاویستن
عەزیز هەورامی:
شێوەكار (محەمەد فەتاح) د دیدارەكێ دا بۆ رۆژنامەیا ئەڤرۆ گۆت: ناڤەرۆكا پتریا كەڤالێن من گرێدای ئەنفال و ژینگەهێ و ڕاڤا ماسیان و هندەك جۆرێن گیانەوەرانە، كو گرێدای هندەك بابەتێن فەلسەفی نە و ئەز ل سەر پەرۆكی چێدكەم و د مەها چار دا ل گەل (80) شێوەكارێن دی دێ پشكداریێ د پێشانگەهەكا هەڤپشكدا كەم، كو دێ ل وەلاتێ (بەحرێن) هێتە ڤەكرن.
هەروەسا گۆت: ل گەل چێكرنا كەڤالان، ئەڤە دەمەكە مژوولی نڤیسینا پەرتووكەكێ مە كو دێ ل دۆر كارێن من یێن هونەری بیت، دەربارەی فرۆتنا كەڤالان ژی وەكو هەر شێوەكارەكێ دی حەزدكەم كەڤالێن خوە بفرۆشم، ئەز دخوازم كەڤال ل هەموو دامودەزگەهێن فەرمی هەتا مالان ژی بهێنە هەلاویستن و ئەڤ چەندە یا ل هەموو وەلاتێن جیهانێ هەی، هەروەسا سەر ئێك زێدەكرن بۆ كەڤالان بهێتە كرن، چنكو هندەك جاران بهایێ كەڤالی گەهشتیە (20) ملیۆن دۆلاران، بەلێ ل وەلاتێ مە كڕینا كەڤالان گەلەكا لاوازە.
