لاڤرۆڤ: هەڤپەیمانیا ئیرانێ و رۆسیایێ دێ بهێزتر کەین
وەزیرێ دەرڤە یێ رۆسیا سەرەدانا ئیرانێ کر و ل گەل سەرۆک کۆمارێ ئیرانێ و وەزیرێ دەرڤە یێ وی وەلاتی کۆمبوو و پشتی کۆمبوونێ ژی لاڤرۆڤی بۆ دەزگەهێن راگەهاندنێ دیار کر، ل رۆژهەلاتا ناڤین گوهۆڕینێن گەلەک مەزن روو ددەن ب تایبەتی ژی ل سووریێ، وەکو رۆسیا ئەو ژ نێزیکڤە دووڤچوونا گوهۆڕینێن ل دەڤەرێ دکەن و گۆت: (ئیران و رۆسیا بەرژەوەندیێن مەزن هەنە و هەر دو وەلاتی هەڤپەیمانن و دڤێت پەیوەندیێن خوە باشتر و بهێزتر ژی لێ بکەین).
مەسعود پزیشکیان سەرۆک کۆمارێ ئیرانێ ژی دیار کر، وەکو ئیران وان دڤێت پەیوەندیێن خوە د هەموو بیاڤەکێ دا ل گەل رۆسیا بهێز بکەن، چونکی رەوشا نها وەسا دڤێت رۆسیا و ئیران پتر ژ هەر دەمەکێ هاریکاریا هەڤدو بکەن و ئەو یەک د بەرژەوەندیا هەر دو وەلاتان دایە.
