كلیپەكا نوو بۆ مەها رەمەزانێ چێكریە
هەرهین محەمەد:
هشیار رۆژبەیانی، سترانبێژێ دەوات و شەهیانان، دیدارەكا رۆژنامەیا ئەڤرۆ دا دیاركر كو نوكە ئەو مژوولی كارەكێ هونەری یە وەكو كلیپ بۆ مەها رەمەزانا پیرۆز، ل بەر بوو ل دەستپێكا ئەڤێ مەهێ بەلاڤ بیت، بەلێ ژبەر چەند ئەگەرێن تایبەت دبیت ل چەند رۆژێن دی بهێتە بەلاڤكرن.
ناڤهاتی گۆت: من كارەكێ دی ژی یێ هونەری ل بەرە ژبۆ جەژنا قوربانی ئەو ژی سترانەكا رتمی یا بلەزە و ئەو سترانە فۆلكلۆرە و كارێ وێ ژی دێ ل هەولێرێ و توركی هێتەكرن و هەتا نوكە چ سترانبێژان داخوازا سترانا دوقولی ژ من نەكریە، بەلێ ل دەواتان پتریا سترانبێژان دبینم و مە پەیوەندیەكا باش ل گەل ئێك هەیە و هەكە دەرفەت هەبیت و دەنگێ مە ل گەل ئێكك یێ گونجای بیت یێ ئامادەمە سترانا دوقولی بێژم و ل هەردەواتەكێ دا گۆهۆڕینان بكەم د ستران گۆتنێ دا و سترانێن نوو بێژم و كلیپێن هەرسترانبێژەكی دكێم بن گازندا وی ئەوە هەكە كۆمپانی و جهێن بەرپرس سپۆنسەریێ نەكەن نەشێن چو كارێن هونەری ئەنجام بدەت و ل وی دەمی سترانبێژ دێ چیتە دەواتان و كلیپێن وی دێ دكێم و هەكە مرۆڤی بڤێت كارێن جوان بكەت مەزاخیتەكێ باش دڤێت داكو كارێن جوان پێشكێشی خەلكی بكەت.
