كێمیا بەرهەمان دبیتە ئەگەر كو تەماشەی درامایێن بیانی بكەین
شاهۆ فەرید:
ئەكتەرێ گەنج (خالد محەمەد) كو خەلكێ باژێرێ سێمیلێ یە، د دیدارەكێ دا بۆ رۆژنامەیا ئەڤرۆ گۆت: ل سالا 2023 من دەست ب كارێ هونەری كریە، وەكو ئەكتەر و پشت كامیرێ و من دەستەكێ باش بۆ نڤیسینا سیناریوێن كورتە فلمان و درامایان هەیە و پشكداری دو درامایان بوویمە، یا ئێكێ (پایز) ئەوا ل كەنالێ وار دهاتە نیشادان و من رۆلەكێ بچووك تێدا هەبوو، بۆ مەها رەمەزانێ ژی پشكداری درامایەكێ بوویمە، ب ناڤێ (هیڤی) هەر بۆ هەمان كەنال و بەرنامەیەكێ ئاینی ژی ل دۆر ژیاناما پێغەمبەری سلاڤ لسەربن.
هەروەسا گۆت: ب دیتنا من ئەگەرێن نە پێشكەفتنا هونەری ل دەڤەرا مە بۆ جڤاكێ مە ڤەدگەڕیت، ئەو ژی كێمیا رەوشەنبیریا وان د هونەری دا، هونەر نابیتە پیشە كو پشت بەستنێ ل سەر بكەی، هەروەسا نەبوونا پشتەڤانیەكا باش ئەكتەر نەشێتن رۆلێ خوە ب باشی بگێڕن، كێمیا بەرهەمێن خۆمالی دبیتە ئەگەر كو بینەر تەماشەی درامایێن بیانی بكەن.
