یاریێن ئەڤرۆ و سوبەهی ژ خوە نەكەن د ئاگرینن، دێربی و تۆلڤەكرنن
جەماوەرێ وەرزشی ئەڤرۆ و سوبەهی دێ چاڤەڕێ ئێك ژ هێزترین هەڤڕكیێن گەڕا چوونێ یا قۆناغا 16ێ ژ چارچووڤەیێ قارەمانییا یانەیێن ئۆرۆپا قارەمانێن خولا بیت دهێتە هژمارتن بۆ جارا ئێكێ د دیرۆكا چامپیۆنزێ دا دو دێربی دگەل یاریێن ئاگرین دڤێ قۆناغێ دا بهێنە ئەنجامدان.
ریال مەدرید- ئەتلەیكۆ مەدرید
جەماوەرێ وەرزشی ل جیهانێ ب گشتی دێ چاڤێ وان ل یاریگەها سانتیگۆ بیرنابیۆی بیت د ئێكەم دێربییا مەدرید پشتی بۆرینا نەهـ سالان ژ دووماهی دیدارا وان یا ڤێ قارەمانیێ، خودانێن ئەردی ریال مەدرید دێ بزاڤێ كەت خوە ژ ئاستەنگا دۆژمنا خوە یا خولا ئسپانی قورتالبكەت بەری دیدارا دویێ یا ڤێ قۆناغێ ئەوا دێ ل12ێ ڤێ مەهێ ل یاریگەها سیڤیتاس هێتە كرن، ئەتلەتیكۆ مەدرید باش هێز و كێماسیێن ریالێ دزانیت، سێ دیدارێن چامپیۆنزێ دو سەركەفتن بۆ ریالێ ئێك بۆ ئەتلەتیكۆ، لێ سەركەفتنا وەرزێ 2016ێ دیرۆكی بوو ژبەركو ریالێ ناسناڤ دەستڤەئنابوو.
ئارسنال- ئایندهۆڤن
یارییەكا دی یا گرنگ و ب هێز ژ چارچووڤەیێ هەڤڕكیێن ئەڤ شەڤە یێن چامپیۆنزێ دناڤبەرا خودانێن ئەردی ئایندهۆڤن یا هۆلەندی و ئارسنال یا ئنگلێزی هێتە كرن، دیدارێن پێشتر ئارسنالێ سێ سەركەفتن ئیناینە بەرانبەر سەركەفتنەكێ بۆ ئایندهۆڤنێ و چار وەكهەڤی هاتینە، هاتنا یانەیا هۆلەندی بۆ ڤێ قۆناغێ ل سەر كیستێ یانەیا یۆڤانتۆس د قۆناغا پاشكۆ دا بوو، ئەگەر هەیە یارییا ئەڤ شەڤە ئاگرین بیت، هەرچەندە ئارسنال ئێكسەر هاتییە قۆناغا 16ێ پشتی رێزا سێیێ ل سەر لیستا گشتی هاتی.
بۆرۆسیا دۆرتمۆند- لیل
یانەیا لیل یا فرەنسی دێ مێڤاندارییا بۆرۆسیا دۆرتمۆند یا ئەلمانی كەت، لیل بوویە ئێك ژ سۆپرایزێن ڤێ چامپیۆنزێ ئەوا شیایی د قۆناغا كۆمان دا رێزا حەفتێ بهێت ب كۆمكرنا 16خالان، ژلایێ خوەڤە بۆرۆسیا دۆرتمۆند رێزا 10ێ هاتبوو ب15خالان، ل قۆناغا پاشكۆ دا ل سەر كیستێ سپۆرتینگ لەشبۆنا گەهشتییە ڤێ یاریێ، دووماهی دیدارێن پێشتر یێن هەردو یانەیان بەری 12 سالان بوو ژ كۆپا ئۆرۆپا ئەوا ب وەكهەڤی ب دووماهی هاتی.
كلۆپ برۆچ- ئەستۆن ڤێلا
یانەیا ئەستۆن ڤێلا ئینگلتەرایێ دێ بیتە مێڤانا كلۆب برۆچ یا بەلجیكی كو دبیتە دیدارا دویێ یا هەردو یانەیا دچاپا نوكە یا چامپیۆنزێ دا، دیدارا پێشتر ژ قۆناغا كۆمان یانەیا بەلجیكی شیابوو ب گۆلەكێ سەركەفتنێ بینت، ئەستۆن ڤێلا ئێكسەر هاتبوو پشتی رێزا هەشتێ وەرگرتی لێ كلۆب رێزا 24ێ دقۆناغا پاشكۆ دا ل سەر كیستێ ئەتلانتا دەربازبوو ڤێ قۆناغێ.
بایرن میونخ- بایرن لیڤەركۆزن
دێربیەكێ دی یێ ئاگرین ئەڤجارە ئەلمانییە بڕیارە سوبەهی ل یاریگەها ئالیانز ئارینا بیت خودانێن ئەردی بایرن میۆنخ دێ بایرن لیڤەركۆزن یێن ئەلمانی، هەرچەندە د چامپیۆنزێ دا ئەڤە ئێكەم دیدارە لێ د خولێ دا گەلەك دگەهنە 95 یارییان، 54 جاران یانەیا بافارییا سەركەفتن ئینایە، لیڤەركۆزنێ 21 سەركەفتن بەرانبەر 20 وەكهەڤییان، بایرن میۆنخێ خودانا شەش ناسناڤایە و ئەڤ سالە خەونا ب یا حەفتێ.
پاریس سانجێرمان – لیڤەرپۆل
ئێك ژ یاریێن دی یێن ب هێز دێ ل فرەنسا هێتە كرن دەمێ یا نەیا پاریس سانجێرمان ل یاریگەها خوە لیڤەرپۆلا ئنگلتەرایێ مێڤانكەت ئەوا چەندین سالە خەونا ب ئێك ناسناڤی دبینت، دبەرانبەردا یانەیا ئنگلتەرایێ خودانا شەش ناسناڤایە، جار دیدارا بەرانبەر ئێك بووینە هەر یانەكێ دو سەركەفت هەبووینە دووماهی دیدارا وان ل 2018ێ بوو پاریسێ سەركەفتن ئینابوو، لێ ئاست و شیانێن نوكە دبیت د بەرژوەندییا لیڤەرپۆلێ دا بیت.
بەنفیكا- بەرشەلۆنا
یانەیا بەرشەلۆنا یا ئسپانی دێ ل یاریگەها دالۆز بیتە مێڤانا یانەیا بەنفیكا یا پۆرتۆگالی، یانەیا ئسپانی هەلگرا پێنج ناسناڤان ب هەموو چەكێ خوە یێ بەرهەڤە و دبیت باشتر بیت ژ خودانێن ئەردی، لێ یانەیا پۆرتۆگالی خودانا دو ناسناڤ و دووماهی ناسناڤێ وێ بەری 52 سالان بوویە دێ بزاڤێ كەت تۆلێن خوە یێن یارییا بۆری ژ بەرشەلۆنە یا قۆناغا كۆما ڤەكەت ئەوا بەرشەلۆنا 5-4 سەركەفتن ل سەر بەنفیكا ئینابوو، لێ یانەیا كەتەلۆنی ژی هیڤیێن مەزن هەنە و ب سانەهی نابیت.
فاینۆرد- ئینتەر میلان
سوبەهی چارشەمبی یانەیا فاینۆرد رۆتردام یا هۆلەندی دێ ئینتەر میلان یا ئیتالی مێڤانكەت پشتی بۆرینا 22 سالان ئەڤ دیدارە دوبارە دبیتەڤە، فاینۆرد ئێك ناسناڤ هەیە ل سالا 1970ێ بوو لێ ئینتەر هەلگرا سێ ناسناڤانە و دووماهی ناسناڤ ل 2010ێ بوو، چو دیدارێن پێشتر ل چامپیۆنزێ نینن، لێ د كۆپا فدراسیۆنا ئۆرۆپی دا دوجاران بەرانبەر ئێك بووینە، ئینتەر خوسارەتی و وەكهەڤی هەبوویە.
بۆ زانین هەموو یاری دێ ل دەمژمێر 11 شەڤ هێنە كرن ژبلی هەردو یاریێن كلۆپ برۆچ- ئەستۆن ڤێلا و فاینۆرد رۆتردام – ئینتەر میلان دێ ل دەمژمێر 8:45 شەڤ هێنە كرن.
