بریتانیا: وەلاتێن ئۆرۆپی دێ چەکێ پێشکەفتی دەنە ئۆکرانیایێ
کیەر ستامەر سەرۆک وەزیرێن بریتانیا دیار کر د کۆمبوونا ١٥ وەلاتان یا بۆ ئۆکرانیایێ وەلاتێن ئێکەتیا ئۆرۆپا بریار دان کو پتر ژ جاران هاریکاریا چەکی بدەنە ئۆکرانیایێ، چونکی دڤێت ئۆکرانیا بهێز بیت دا بشێت ل گەل رۆسیا دانوستاندنان بکەت، ژ بۆ دانوستاندنان و راگرتنا شەڕێ نها پێدڤیا ئۆکرانیا ب پشتەڤانیەکا زێدەتر ژ جاران یا وەلاتێن ئێکەتیا ئۆرۆپا هەیە و ژ بەر ڤێ یەکێ ژی وەلاتێن ئێکەتیا ئۆرۆپا و بریتانیا پێکڤە بریار داینە کو زێدەتر ژ جاران هاریکاریێن سەربازی بدەنە ئۆکرانیایێ.
چاڤدێرێن سیاسی ژی دیار دکەن پشتی هەلوەستێ ترامپی وەلاتێن ئێکەتیا ئۆرۆپا وەسا دبینن کو سیاسەتا نها یا ئەمریکا ب تەمامی د خزمەتا پۆتینی دایە و هەکە ئەو زێدەتر ژ جاران پشتەڤانیا ئۆکرانیایێ نەکەن ئەو یەک دشێت ببیتە ئەگەرێ سەرکەفتنا پۆتینی و دێ کاریگەریا خوە یا گەلەک خراب بۆ ئۆرۆپا هەبیت، ژ بەر ڤێ یەکێ ژی وەلاتێن ئۆرۆپا دخوازن پتر ژ جاران هاریکاریا ئۆکرانیایێ بکەن.
