سەرۆكێ هەرێما كوردستانێ: پێشوازیێ ل رێككەفتنا د ناڤبەرا سەرۆكێ سووریێ و فەرماندەیێ هەسەدێ دا دكەین
نێچیرڤان بارزانی، سەرۆكێ هەرێما كوردستانێ دوهی سێشەمبی 1/3/2025 د پەیامەكێدا راگەهاند: پیرۆزباهیێ ل برایێن مە ل سووریێ دكەین بۆ رێككەفتنا د ناڤبەرا سەرۆكێ سووریێ و فەرماندەیێ سووریا دیموكرات (هەسەدە) دا كو نەخشەرێكەكا گونجایە بۆ پاشەڕۆژێ و قۆناغەكا دروست یا ڤەگۆهێز پێك دئینیت. پێشوازییا سوورییان ل ڤێ رێككەفتنێ، وەك هەموو گەلێن دەڤەرێ، رەنگڤەدانا خواستا وانە بۆ ئارامیێ و چارەسەرییا ئاشتییانەیا دوور ژ توندوتیژیێ.
گۆت ژی» د دەمەكیدا پێشوازیێ ل ڤێ رێككەفتنێ دكەین، پشتەڤانییا تمام یا هەرێما كوردستانێ بۆ ئارامییا سووریێ دكەین، هەروەسا داكۆكیێ ل پێدڤییا پاراستنا مافێن هەموو پێكهاتەیێن سووریێ و هەڤپشكییا وان یا كارا د ئاڤاكرنا سووریایەكا ئازاد و گەشەكری دكەین».
