پاپايێ ڤاتيكانێ دێ هێته هه‌رێما كوردستانێ
ئه‌ڤرۆ نيوز:
نوونه‌رێ پاپايێ ڤاتيكانێ راگه‌هاند قه‌داسه‌تا پاپايى سۆز دايه و دێ ب جهـ ئينيت و يێ رژده ل سه‌ر وێ چه‌ندێ كو دێ سه‌ره‌دانا كوردستانێ كه‌ت و گۆت: “ب تنێ ده‌م يێ مايى بزانين كه‌نگى و چاوان دێ سه‌ره‌دانا هه‌رێمێ كه‌ت”.
كاردينال فێرناندۆ نوونه‌رێ پاپايێ ڤاتيكانێ و وه‌زيرێ ئه‌وقافا هه‌رێمێ، كه‌مال موسلم، كۆنگره‌كێ رۆژنامه‌ڤانى ل هه‌ولێر ئه‌نجامدا و تێدا وه‌زيرێ ئه‌وقافێ راگه‌هاند كو هاتنا نوونه‌رێ پاپايى بۆ كو كوردستانێ و سه‌ره‌دانا ئاواران ژ نێزيك ڤه، ب مه‌ره‌ما گه‌هاندنا ده‌نگێ وايه ب لايه‌نێن په‌يوه‌نديدار.
فێرناندۆ ئاماژه ب وێ چه‌ندێ كر كو جارا ئێكێ ده‌مێ هاتى دلێ وى گه‌له‌ك ما ل گه‌ل ئاواران و ژ به‌ر وێ مه‌ره‌مێ نوكه ژى هاتيه دا بشێت خزمه‌تا وان ب ره‌نگه‌كێ باشتر بكه‌ت و گۆت: “ئه‌ڤ حه‌فتيه بۆ مه‌سيحيان گه‌له‌ك يا گرنگه كو عيسا تێدا دچيته ئه‌سمانى و ژيانا خوه ب گه‌لێ خوه به‌خشيه و ژان نوو دبيته‌ڤه، ژ به‌ر وێ چه‌ندێ هيڤى دكه‌ين جاره‌كا ژيانا وان ئاواران ژى نوو ببيته‌ڤه و ڤه‌گه‌رنه سه‌ر جهێن خوه”.
