ئەرێ دهۆك و زاخۆ نێزیكی ناسناڤی بووینە؟
حاجی دۆسكی
پشتی وان گورانكاریێن نوو ل سەر خولا ستێرێن ئێراقێ دا هاتین ئەڤ خولە بەر ب قۆناغەكا پێشكەفتیتر چوویە تایبەت ژلایێ هەبوونا ژێرخانەكا وەرزشی یا باش ل سەرانسەری ئێراقێ هەروەسا لایەنێ ڕاگەهاندنا وەرزشی پتر د ڤی وەرزێ گرنگی پێ هاتیەدان، جەماوەر زور پێڤە هاتییە گرێدان تایبەتی جەماوەرێ یانەیێن كوردستانێ یێن هەولێر، دهوك، زاخو و نەورۆز، ئەگەر ئەم بهێن باسی لایەنی هۆنەری بكەین ئەو یانەیێن پتر شیانین هەڤڕكییێ بكەن ژبۆ ب دەستڤەئینانا ناسناڤی، تانوكە هەڤركی وەكۆ یا دیار د ناڤبەرا زاخو، زەورا و شۆرتە دایە، راستە یانەیا دهۆك وەكو رێزبەندی یادوورە ژ سەرێ لیستێ ژبەركو شەش یاریێن پاشئێخستی هەنە ژ ئەگەرێ پشكدارییا تیما دهۆكێ د جاما كەنداڤی دا، ئەگەر هات دهۆك وان یاریێن ماین ئەنجامبدەت و ب سەر كەڤیت ئێدی دهۆك ژی دێ چیتە د خانا سەری لیستی و هەڤركی ب مەرجەكی دڤێت هەموو بزاڤان بكەت بۆ كومكرنا خالان، وەكو یادیار هەردو یانەیێن دهۆك و زاخۆ پترییا شیانێن دەستڤە ئینا خولی یێن هەین، دهۆك نوكە د باشترین رەوش دا تایبەت ژلایی هونەری یاریی بو یاریی ئاستێ تیمێ بەر ب باشتر دچیت تا نوكە یادوورە ژ هەموو كێشەیێن كارگێریی و دارایی، جەماوەر ژی ل پترییا باژێران یێ ئامەدە دبیت ئەڤ هوكارە دبنە ڕێخۆشكەر ئەلهوین چیا ڤی وەرزی ناسناڤی بۆ جارا دویێ ب دەستخوەڤە بینن، دەربارەیی كوڕێن خابووری ئەف یانە ژی دێ وەرزی دا هیڤین باش هەنە ڤەگەڕێتە سەرێ لیستێ و پارێزیت، شیانێن یانەیا زاخۆ كێمتر نینن ژ چو یانەیا، یاریزانێن خودان ئەزموون هەنە بۆ برنا ناسناڤی، جەماوەرەكێ دلسۆز ل پشت هەیە، لایەنێ دارایی و كارگیریێ بێ كیشەیە لێ ئەو یاریێن یانەیا زاخۆ ماین ل یاریگەها خوە دگەل جەوییە و زەورا و تەلەبە دڤێت خالێن ڤان یاریا مسوگەربكەت ڤێ چەندێ رێك دێ بۆ زاخو ئاسانتر بیت، سەرباری خوسارەتییا وێ یا نەچاڤەڕێكری بەرانبەر كەربەلا، وەكۆ بۆچوون لدووڤ وی ئاستێ تانوكە یانەیێن دهۆك و زاخو نیشاندای ئەگەر بەردەوام بن ئەز باوەرم دێ ناسناڤ هینە دەڤەرا بادینان، خالەكا گرنك بوویە ئەگەرێ سەركەفتنا كاروانی زاخو و دهوك مانا راهَینەری دگەل تیمێ، تەلال بلوشی وەرزێ دویێ یە یێ سەركەفتییە شیا هزرا خوە بگەهینت یاریزانی، ژلایێ خوەڤە مەسعود میرال دەسپێكێ نە یێ سەركەفتی بوو، تووشی گەلەك رەخنا بوو كارگیریێ پتر دەرفەت دا میرالی لەورا بەرهەمی وی دەرفەتێ باش دیاربوو.
