سالا 1990ێ ئەم 72 پێشمەرگە ژ ئیرانێ بەرەڤ ئیراقێ هاتین
دیدار، سالار محەمەد دۆسكی:
3 – 5
دڤێت بچیە باژێرێ دهۆكێ مالا بابێ(شاكر)ببینی دا رێك ب تە بهێـتەدان و هەڤژین و زارۆكێن وی بگەهینتە مە ل ڤێرە، بابێ (زریان) گۆت بلا كا عنوانێ مالا بابێ خوە بێژە دا بچمە دهۆكێ و ببینم، بابێ وی گۆت نەیێ شارەزا مە ل دهۆكێ و دژیانا خوە دا بتنێ جارەكێ هاتیمە دهۆكێ، من گۆتێ دێ هوسا بووتە نڤێسك خوە تو پرسیارا مرۆڤەكی نەكەی وی دەمی مالا بابێ من ل محلا قەرچان بوو وەك پێشتر مە ئاماژە پێكری، بابێ هەڤالێ من ل دوف ئەوان ناڤ و نییشانێن من داینێ خوە دەرگەهێ ئێكی نە قوتا و دروست گەهشتە بەر دەرگەهێ مالا بابێ من ل دهۆكێ ل تاخێ قەرەچان و مالا بابێ من ل تەنشتا ئاشێ بەفرێ بوو، وەكی بابێ زریانی بوومە ڤەگێرای گۆت من پرسیارا كەسەكێ نەكر و هەما لدوف ئەوان پێزانیێن تە داینە من گەهشتمە بەردەرگەهی و بابێ تە قورئان خواند و من سلاڤكرێ و قورئان دانا و بخێرهاتنا من كر و بابێ زریانی بێژیت خوە بابێ تە ل گەل من نەئاخفت كا ژ كیڤە دهێی؟ دێ كیڤە چی؟ شیف ژی من خوار هر چ پرسیار ژ من نەكرن و بوو دەمێ نڤستنێ بابێ تە گۆتە هەڤژینا خوە جهێ وی بدانن و دایكا من ڤەگەریا بوو ڤە چونكە گۆت بوویێ ئەز ل گەل بیكا خوە نەبووم و ئەو زڤری بوو دهۆكێ، بابێ زریانی بەردەوامی دا گۆتنێن خوە و گۆت من گۆتێ نانڤنم ئەز ب كارەكی هاتیە مە (حەجی حسێن) ما نابێژی ژ كیڤە دهێی دێ كیڤە چی؟ بابێ من گۆتێ مە هزر كر تە رێكا خوە خەلەت كریە و ژ هەولێرێ هاتی و دێ سوبە بەرەف جهەكێ دی چی، بابێ زریانی گۆتێ نەخێر دروستێ هاتیم و من كارەكێ ب هەوە هەی و بابێ من گۆتێ فەرمو ب چ كار هاتی، بابێ زریانی گۆتێ هەوە كورەكێ هەی ناڤێ وی (شاكر)ە و بابێ من گۆتێ نەخێر مە چ كور ب ڤی ناڤی نینن، برایێن من ئیمزا من نیاسی چونكە گەلەك جاران ژ ئیرانێ دهاتمە دەڤەرێ و دەستیردانێ و گەلەك جاران مە وێنێن خوە دانە ڤێ، ئەڤجا بابێ زریانی وێنەكێ من ل گەل خوە ئینا بوو و پشتا وی وێنەی من ئیمزا خوە لێ كربوو و برایێن من ئیمزا من نیاسی و ل گەل ئیمزایێ من گۆتێ ئەڤ مرۆڤێ وێنە دەستی دا خوە پێ بینەدەرێ و ئەو مرۆڤێ ڤی وێنەی بدەتەف هەوە ژ دەف من هاتیە، زێدەتر من چ پێزانین ل سەر وێنەی نە نڤێسی بوون چونكە من گۆت ل جهەكی بهێتە دەستەسەركرن یان بەرزەبیت و ئاریشەك بو وی یان خێزانا من دروست بیت و بتنێ من ئیمزا خوە و ئەو پێزانیێن من ئاماژە پێكرین ل سەری من دانا بوونە سەر، پشتی ئەڤێ چەندێ بابێ من و خویشك و برایێن من باوەری پێ هات و بابێ زریانی گۆت ژ دەف كورێ هەوە هاتی مە و گەلەك سلاڤ بۆ هەوە هەنە و یێ ب سلامەتە و كورێ من سەرخاترا شاكر ژ ئیرانێ هاتیە ئەڤجا ئەز هاتیمە سوبە هەڤژین و زارۆكێن وی بەرهەڤ بكەن دا بگەهینە دەف (شاكر) ل گوندێ (سەركەتكایە) ئەو گوند مابوو و فەوجەكا چەتان ژی وێرێ بوو، رۆژا دوڤدا برایێ من (ئەمین) دایكا من و هەڤژینا من ل گەل هەر چار زارۆكێن خوە كو دو جمێك بوون و ل (بەحركێ) دابوونێ و هاتنە دەف مە ل (رانیا) و پشت (سەركەتكا) بابێ (زریانی) ل گەل بوو و من هەڤژین و زارۆكێن خوە وەرگرتن و ئەو ژی ڤەگەریانە ڤە.
پێشمەرگەیێ شۆڕەشا گولانا پێشكفتنخواز، (شاكر زێوەی) گۆت دەمێ ژ ئیرانێ ڤەگەریایمە گوندێ (سەركەتكا) حزبا دیموكراتا ئیرانێ شەر دناڤبەرا وان دا دروست ب بوو و ب بوونە دو بال و بالێ (قاسم لو) ل (كونەكوترێ) بوو و حوكمەتا ئیراقێ پشتەڤانیا وان دكر و لایێ بەرامبەر ئەز لێ بووم و ئەم ب هاریكاریا وان هات بووین و گەلەك هاریكاریا مە كر و هێشتا ئەم پێك نەهاتبووین و ژ نیشكەكێ ڤە ئەم هاتینە دناڤ دا و ئەم هاتین و گەلەك قەدر و قیمەتێ مە گرت و هندەك گەنج دناڤ دا هەبوون ل مەكتەب سیاسی یا وان چ بۆ هەوە بكەین؟ مە گۆتێ بتنێ دێ خێزان و زارۆكێن خوە ژ ئیراقێ ئینمە ئیرانێ بتنێ رێكێ بدەنە مە و چ كێشە بوومە دروست نەبن گۆت كەرەم بكەن و ئەگەر هەوە دڤێت دێ ل گەل هەوە ژی هێن مە گۆتێ زور سوپاس بتنێ رێكێ هاریكاریا مە بكەن و گۆت سەرچاڤان و رێك دامە، دا ژبیر نەكەم هەڤژین و زارۆكێن خوە من ئینان و برایێ من و دیكا من زڤرینە دهۆكێ و چەند زارۆكێن دی ژی ل گەل مە هەبوون و ئێك هەبوو دگۆتنێ (شڤان) برایێ وی ئامر سری بوو چەتە بوو سورا بوو و ژنكا (شڤان) ل دەف برایێ وی بوو و ئەو ژی ژ برایێ خوە خواست بوو هەڤژینا وی بۆ فرێكەت و بگەهیتێ دا بیتە ئیرانێ، و برایێ وی گۆتی بتنێ بەرهەمێ پیڤازا یێ ئەف سالە (50) هزار دینارێ سویسری دەنە من ل سەر زەڤیێ و ژنكا تە بدەمەف تە و ببیە ئیرانێ؟ ئێكسەر حوكمەت دێ من ل سێدارێ دەت و ژنكا وی نەدافێ و چەند هەڤالێن دی ژی داخاز كربوو و هەمیان دروست نەبوون و بتنێ یا من دروست بوو و ئەم ب رێكا حزبا دیموكراتا ئیرانێ و ئەو ناسنامەك بۆ هەڤژینا من دروست كر چونكە زالگەهەكا حوكمەتا ئیراقێ رێكێ دا بوو و پرسیارا ناسناما دكر و هندەك خێزانێن ئەوان ژی ل گەل مە بوون.
