بۆرینا (127) سالان ل سەر دامەزراندنا ڕۆژنامەگەریا كوردی
مووسا خالد
دەربازبوونا « ۱۲۷ « سالان سەر ئێكەم ڕۆژنامەیا كوردی، ل سالا « ۱٨۹٨ « ئێکەم ڕۆژنامەیا کوردی ب ناڤێ ڕۆژنامەیا (كوردستان) ژلایێ « میقداد مەدحەت بەدرخانیڤە « ل قاهیرە پایتەختێ مێسری هاتە بەلاڤکرن.
ئەڤ ڕۆژنامە كوردستان ب زاراڤێ كرمانجیا سەری، ب تایبەت ئاخفتنا شێوازێ ناوچەیێن جەزیرە و بۆتان هاتبوو بەلاڤکرن هەروەسا ئەڤ ڕۆژنامە نزیکی دوو حەفتیان جارەکێ یان درەنگیتر دهاتە بەلاڤکرن .
ڕۆژناما كوردستان هەتا دەرکەتنا ژمارا پێنجێ « میقداد مەدحەت بەدرخان» سەرنڤێسەرێ وێ بوو، پاشێ لدویڤدا دەرکەتنا ژمارەێن دی ێن ڕۆژنامێ « عەبدولڕەحمان بەدرخانی« برایێ وی ئەڤ ئەركە وەرگرت بەردەوامێ پێدا .
ڕۆژنامەیا كوردستان ب گشتی « ٣١ « ژمارە ژێ دەرچوون، ژمارا ئیکێ هەتا پێنجێ ل قاهیرە، ژمارە شەش تا « ۱۹ « ل جنێڤ، ژ ۲۰ هەتا ۲۳ دیسا ل قاهیرە دەرچوو. هەروەسا ژمارە « ۲٤ « ل لەندەن، ژمارە ۲٥ هەتا ۲۹ ل ڤۆڵكستۆن، ژمارە ۳۰ و ۳۱ ل جنێڤ دەرچوون.
پشتی ژمارا ڕۆژنامَ ل ۱٤ ی نیسانا سالا ۱۹۰۲ بەلاڤبووی. ناڤەڕاستا سالێن شێستا ژ سەدەیا بۆریدا، چەند ژمارەیەکێن ڕۆژنامێ ژ لایەن « د-مارف خەزنەدارە» هاتنە دیتن و چاپکرن. بەری هینگێ هەموو ژمارەێن ڕۆژنامێ، بتنێ ژمارە ۱۹ تا نوکە نەهاتیە دیتن.
ڕۆژنامەیا كوردستان ڕۆلەکێ گرنگ ب خۆڤە دیت ژ بۆ داكۆكیكرن و بەرزکرنا و گەشەكردنا هەستی نەتەوایەتی و خەباتكرن بۆ ب دەستڤەئینانا مافێن گەلێ كورد.
ئەڤ ڕۆژا ڕۆژنامەگەریێ پیرۆزبێت ل ڕۆژنامەڤانێن جیهانێ ب گشتی و کوردستانێ بەتایبەتی، ڕۆژنامەڤانێن کوردستانێ بوونە پرەك بۆ گەهاندنا ڕاستیان و دروستکرنا پەیوەندیێن مەدەنی ناڤبەرا جڤاك و حکومەتێدا، هەروەسا زۆر ب بوێرەکی و گشتی د کاروانێن ژیانێدا شیانە ڕۆلەکێ برچاڤبگێڕن د گەهاندنا دەنگ و رەنگ و دیمەنێن جیاواز ێن جڤاکی بتایبەتی د ڕوماڵکرنێدا ل سەنگەرێن پێشیێ نە بۆ بەرگریکرنا ژ ئاخا کوردستانێ.
