پێناسەیا عەشقێ
سەیفوللا محەمەد
د پێناسەیا عەشقێدا
هەر ئێك و پێناسەیا خوە
هەر ئێك لدویف دلێ خوە
هندەك دبێن ئاگرە
هندەك دبێن دلگرە
لێ د بێژم..
ژ پێناسەیێن وە و
هەر پێناسەیەكێ
مەزنترە
ئەز.. تو.. ئەم
یێن ئەم ژێ و
یێن ئەو ژ مە
چەند پێناسەیان بدین
چەند شروڤەیان بكین
هێشتا ژهندێ
زێدەترە..
ئەو عەشقە، عەشق
ژ هەر ئاگرەكی
دژوارترە
ژ باگەڕ و سەد باهوڕا
ب هێزترە
ژ بریسییان گەلەك گەلەك
ب لەزترە
جارا دبێژم.. بوركانەكە
نە كێمترە
چیا بكەڤر و كاشێ خوەڤە
خوە لبەر ناگرە
ئەڤجا هوین چ دبێژن
بۆ ڤی دلێ من؟
دێ چەوا خوە لبەر گرت
یێ كو..
ژ نەرمییا پەمبی
نەرمترە.!
