هـەرێما كـوردستانـێ بوویە نوونەرا رۆژهەلاتا ناڤین د وارێ پەیوەندیێن دپلۆمـاسی دا

زیـاد میرزا

پشتی هەلبژارتنێن وەلاتێ ئەمریكا و هاتنا ئیدارەیا دۆنالد ترامب بۆ سەر دەسهەلاتێ ل ویلاتێن ئێكگرتیێن ئەمریكا، زۆر ب لەز بارودۆخێ هەمی جیهانێ بەر ب گوهۆرینێن مەزن و مەترسیدار ڤە چوو، تایبەت رۆژهەلاتا ناڤین ئەڤ وەلاتێن شەر و ناكوكی ململانا ناڤ دەولەتی لێ ئەڤە بو ئەگەر بەردەوام دیدار و كومبونێن بەرپرسێن سیاسی ل سەر ئاستێ نێڤدەولەتی زێدەبن ل هەمی جیهانێ یا دیار هەرێما كوردستانێ ل سەر ئاستێ رۆژهەلاتا ناڤین باشترین نموونەیا دیموكراتیەتێ یە، تایبەت ئەڤ ئاڤاهی ئازادی و پێشكەفتنا ل هەرێما كوردستانێ هەیی، نموونە ل سەر ڤێ سەنگا هەرێمێ یاری دەدەرا وەزیرا دەرڤە یا ئەمریكا یا پێشی باربارا لیس بۆ كەنالێ K24 راگەهاندا هەرێما كوردستانێ زۆر پێشكەفتییە و كارگەری سەر هەمی ناوچێ هەیە. ئەڤە د دەمەكیدایە سەرەرای بەردەوام حكومەتا ناڤەند چەندین ئاستەنگێن ئابۆری و یاسای سیاسی بۆ هەرێما كوردستانێ چێكرن، بەلێ هەمی پلانێن دوژمنێن هەرێما كوردستانێ شكستن تووشی شەرم زاریێ بوون، ئەڤە بۆ وێ چەندێ دزڤریت دراستی دا سیاسەتەكا راوست و دورست و حەكیمانە دئێتە دارشتن ژ لایێ جەنابێ سەرۆك بارزانی ڤە و ژ لایێ حوكمەتا هەرێما كوردستانێ ڤە دئێتە پەیرەوكرن. (رۆژ بۆ رۆژێ دەسهەلاتدارێن هەرێما كوردستانێ یان یێ پێشوازیێ سەرۆك و سەركردەویێن جیهانێ دكەن یان یێ دئێنە پێشوازیكرن ژ لایێ سەرۆك و سەركەردیەێن جیهانی ڤە ) سەرەرای وەلاتێن دەوروبەرێ هەرێما كوردستانێ یێ دژاتییەكا دژوار ل گەل گەلێ كورد ب گشتی دكەن و هەرێما كوردستانا باشور تایبەتی. بەلێ خۆش بەختانە مەرەمێن وان بجه ناهێن و رۆژ بۆ رۆژێ بارودۆخێ ڤان وەلاتێن دەوروبەرێن هەرێما كوردستانێ ب گشتی یێن بەر ب ئالۆزیەكا نەدیار ڤە دچین، نموونە ژی وەلاتێ سووریێ دەسهەلاتا ئەسەد نەما و بە بف سوبەهیەكا نەدیارڤە دچیت، پتری شەش وەلاتان لەشكرێ وان ل وەلاتی سووریێ دایە، دیسا وەلاتێ ئیرانێ د نوكە دا یا تووشی شكەستنێن مەزن بووی نە بزاڤا حەماسا فلستینی مایە نە حزبوللا یا لبنانی مایە و نە حزبوللا یا ئیراقی مایە، ئیران یا رازیە بۆ هەر جۆرە رێكەفتنەكێ ل گەل ئەمریكا و هەڤپیمانێن وێ.. دیسا وەلاتێ توركیا تووشی قەیرانەكا دژوار یا ئابۆری بوویە و وەلاتێ ئیسرائیل ب هیچ شێوەیەكی رازی نابیت تركیا هێزا ئێكێ بیت ل رۆژهەلاتا ناڤین.

کۆمێنتا تە