ل رەنـگێ تـرافیكا كـەسك ژی شۆفێری وێرەكیا دەربـازبـوونێ نەبوو
شڤان ئیحسان عەبدولا
ژ بۆ هندێ پتر رەوشا هاتنوچوونێ یا ئارام بیت و پتر داكۆكی ل سەر كێمكرنا روودانێن هاتنوچوونێ د جاددێ دا بهێتەكرن؛ ب تایبەت ل ترافیكان، ئێك ژ وان پێنگاڤێن كو ژ لایێ وەزارتا ناڤخۆ ڤە هاتیە هاڤێتن و تایبەت رێڤەبەریا هاتنوچوونا پارێزگەها دهۆكێ، ب دانانا رادارێن جهگر ل ترافیكان وەك یا دیار سەرپێچیا لێدانا ترافیكی ئێك ژ مەترسیترین سەرپێچی بوو د ناڤ سەنتەرێن باژێران دا و ب سەرپێچیا مرنێ دهاتە بناڤكرن، ب خۆش بەختانە پشتی ئەڤ رادارێن هاتنوچوونێ ل ترافیكان هاتینە دانان، بوویە ئەگەرێ هندێ كو رێژەیا روودانێن هاتنوچوونێ ژی ئەگەرێ لێدانان ترافیكی پەیدا دبن، ب رێژەیا (100%) هاتینە كێمكرن وەكو یا دیار كو سالانە ب دەهان روودان ژ ئەگەرێ ڤێ سەرپێچیێ پەیدابوون و دبوونە ئەگەرێ گیان ژ دەستدان و برینداربوونا هەڤوەلاتییان و سەرەرای هندێ زیانێن مەزنێن ماددی ل دویڤ خۆ ڤە دهێلان، نەخاسمە پتریا روودانێن دانێ ب شەڤێ ژ ئەگەرێ لێدانا ترافیكی بوویە تایبەت پشتی بدووماهیك هاتنا ئەركێ پۆلیسێ هاتن و چوونێ، بەری دانانا رادارێن هاتن و چوونێ ل ترافیكان ل درەنگی شەڤ رێژەكا نە یا كێم یا شۆفێران پێگری ب رەنگێ ترافیكێ نەدكر، هەتا هەكە رەنگێ كەسك ژی بایە شۆفێر یێ پشتراست نەبوو ژ دەربازبوونێ ژ بەر كو شۆفێرێ لایێ دی، دا ڕابیت ب لێدانا رەنگێ سۆر، بۆ زانین ل رێكەفتی (20/11/2024) ئەڤ رادارە هاتینە دانان هەتا نوكە هیچ روودانەك پەیدانەبوویە ژ ئەگەرێ لێدانا ترافیكی.
* رێڤەبەرێ رادیویا ترافیک
