پشتی هەیڤەكێ ل زیندانا چەلێ مایم ماجد چەلی ئەز قورتالكرم
دیدار، سالار محەمەد دۆسكی
پێشمەرگەیێ شۆڕەشا گولانا پێشكەفتنخواز بەحسێ رۆژانێن ژیانا خوە دكەت یا شۆڕەشگێری، ئاشكراكر كو دژیانا خوە دا تووشی گەلەك نەخوشی و دەردەسەریان بوویە.
پێشمەرگەیێ شۆڕەشا گولانا پێشكەفتنخواز، سلێمان ئیبراهیم حسێن، ل سالا 1957 ل گوندێ گركا ل دەڤەرا بەرواری بالا ژ دایك بوویە، بەرنیاس ب (سلێمان تۆڤی) د دیدارەكێ دا ل گەل رۆژناما ئەڤرۆ ناڤبری ئاشكراكر كو ل ئیلونا سالا 1976 پەیوەندی ب شۆڕەشا گولانێ كریە ب رێكا خەباتكەر (مستەفا مزیری) و ل سالا 1978 پەیوەندی ب خەباتكەر ( مەلا رەمەزان كریە) ل سالا 1980 – 1981 پشتی رێكخراوێن لەشكری هاتینە دروستكرن بوو كادرێ رێكخراوا (شۆڕەش)
هەمان پێشمەرگە گۆت: پشتی من پەیوەندی ب شورەشا گولانا پیشكەفتن خواز كریە ل سالا 1976 ب دەستێن هێزێن توركا هاتمە دەستەسەكرن و ماوێ هەیڤەكێ ل زیندانێ دا مام ل (چەلێ) و (ماجد چەلی) ژ زیندانێ رەڤاندم، پشتی بورینا هەیڤەكێ مایمە ب دونیایێ ڤە و ل دەڤەرا تیارێ و دووف دا ب رێكها رێكخستنێن پارتایەتی گەهشتە گوندێ(ئاروشێ) و پەیوەندی سەركردایەتی یا بەروەخت كر وی دەمی (جەوهەر نامق و كەریم شنگالی) ل دەڤەرێ بوون، بەردەوام بوو هەتا سالا 1978 و پشتی هاتنا خەباتكەر (مەلا رەزان) بۆ دەڤەرێ ل گەل بوومە پێشمەرگە و سالا 1980- 1981 بوومە كادرێ رێكخراوا (شۆڕەش) ل دەڤەرا ئامێدیی، ل سالا 1982 ل هیڤا 12 هاتمە ڤەگواهستن بۆ سنورێ لژنا شێخان و (مەلا رەمەزان) وەك بەرپرسێ لژنێ و هەمان دەم سەرپەرشتیا رێكخراوێ ژی كر و ماین هەتا سالا 1985ێ هە یڤا ئێك و ئەم هاتین ڤەگوهاستن بۆ لژنا زاخو و (مەلا رەمەزان) بۆ بەرپرسێ لژنا زاخو ل ەلیێ(هارینا) و ئەژی وەك كادرێ رێكخراوێ مامە ل گەل دا و بەردەوامی مە داكارێ خوە هەتا سالا 1987ێ و پشتی سەردانا لژنەكێ بۆ دەڤەرێ ئەم هاتینە ڤەگوهاستن بۆ سنورێ لقێ ئێك و كاك (وەسفی بێدوهی) بۆ بەرپرسێ رێكخراوا مە، ل سالا 1987 هەیڤا نەهـ داستانا كانی ماسێ دروست بوو، و مە پشكداری تێداكر و بەرپرسێ رێكخراوا مە ل گەل دو پێشمەرگەیێن قەهرەمان ل داستانا كانی ماسێ شەهید بوون، و ئەم ماینە بێ بەرپرسێ وی دەمی وەك ئەندامێن رێخكراوێ مە سەرەدانا د. رۆژ نوری شاویس كر وی دەمی ئەندامێ مەكتەبا سیاسی یا پارتی بوو و هاتبوو دەڤەرێ، مە داخوازێن خوە گەهاندنێ كو ئەم ماینە بێ سەر ئەوی گۆت هەرنە سنورێ لژنا دهۆك و ئەز دێ هەوە ڤەگوهێزم و گۆت بخو سەرۆكەكی هەلبژێرن و پشتی ئەم ڤەگوریاین مە كاك (شەعبان قەدشی) كرە بەرپرسێ رێكخراوی وی دەمی من دەستیردان وەرگرت بوو، هەمان سال داستانا دێرەلوكێ پێشمەرگەیێ قەهرەمان تۆماركر ل وەرزێ زڤستانێ دو پێشمەرگێن مە شەهید بوون (یوسف سەرەرویی و كامل تروانشی) هەر دو هاتنە شەهیدكرن، چەند پێشمەرگێن مە بریندار بوون و ئەم ماینە دەڤەرێ هەتا سالا 1988ێ ئەم ئاوارەی وەلاتێ توركیا بووین ل كەمپا (مێریدین)ێ ئاكنجیی بووین و سالا 1991 زڤرینە كوردستانێ و ل سالا 1992 وەك ئەفسەرەكێ كارگێری ل لیوا 42 ل سنورێ زاخو هاتمە دەست نیشانكرن وی دەمی سەربەست سنوری ئامر لیوایێ مەبوو و هەتا سالا 1994ێ بەردەوام بووم، سالا 1997ێ بوومە ئەندامێ لژنا پەیمان ل كانی ماسێ وی دەمی كاودانێن نافخو تێكچوون و پێشتر ژی بوومە ئەفسەرێ كارگێریێ ڤە، و دوڤ دا بوومە ئەندامێ لژنا پەیمان و مە دەوام نەكر وەك پێشتر مە ئاماژە پێكری كاودانێن ناڤخو رێك نەدا مە ئەم دەوامێ بكەین و مامە لژنا زاخو و هەتا سالا 2000 بوومە ئەندامێ لژنا خابور و دوڤدا هاتمە ڤەگوهاستن بۆ لژنا پەیمان ل كانی ماسێ و هەتا سالا 2005ێ و دوڤدا هاتمە لژنا خابوور و سالا 2009 بوومە كارگێرێ لژنا سەرهلدان 2913 ، دوڤدا هاتمە لژنا ناوچا گولان و دوڤدا بوومە ئەندامێ دەزگەهێ ئیلۆن و گولانێ ل زاخو و هەتا نوكە یێ بەردەوام ل سەر كارێ خوە .
هەمان پێشمەرگەیێ شۆڕەشا گولانا پێشكەفتنخواز بەحسێ سەربورەكا خوە یا شۆڕەشێ كر و گۆت: ل سالا 1978 ێ ئەم ل گەل خودێ ژێ رازی (ملا رەمەزانی ) بووین و هێرشەكا دوژمنی هاتەمە و ئەم گەلەك تەنگاف كرین، و هوسا ئەم ب تانف ئێك كەفتین و ئەم خوە بخوە دا ئێك دو كوژین و ئەم هوسا ل بەر ئێك دو بووینە رەشە، دیسا ل داستانا كانی ماسێ ل محوەرێ گركا دەمێ خالێ من (عزیز و مستەفا) شەهید بووین، بەرگێری مللی بوون و وی دەمی ل دەف بووم و سەر ب رێكخراو وا مە ڤە بووم وی دەمی بریندار بووم بەلێ یا سفك بوو و هەمان دەم ژی مە تەنگاڤی دیتن.
هەمان پێشمەرگەی گۆت: ل داستانا شەرانشێ ل سالا 1985ێ و 1986ێ مە پشكداری تێدا كر، و ل سالا 1983 ل نەخوشخانا زاویتە مە پشكداری تێدا كریە ، و سەرێ بەرئاشێ ژی مە پشكداری تێدا كریە و ل كەمینا (بوسەلێ) مە پشكداری تێدا كریە ل سالا 1986ێ بوو و ئەم نێزیكی 20 رۆژا ماینە ل دەڤەرێ و رۆژانە هێرشێن دوژمنی دهاتنە سەر مە و چەندین رێكخراوێن پێشمەرگە ل گەل مە دپشكدار بوون.
هەمان پێشمەرگە دیاركر كو دژیانا خوە دا سێ كاودانێن گەلەك نەخوش بووم دروست بووینە، و چ جاران ژ بیر ناكەم ل سالا 1979 دەمێ خودێ ژێ رازی (ملا مستەفا بارزانی) وەغەرا دوماهیێ كری وی دەمی مە كوماتە ئاڤادكر و ئەم دروینشتی بووین ل ژوورێ ڤە و (جەوهەر نامق) دگۆتنێ (سەلیم سورو) بەرپرسێ مەیێ لقێ بوو و ئێك ل گەل مە هەبوو بناڤێ ( سەردار ئامێدی) زمانێ عەرەبی باش دزانی و فانوسا مە یا هەلبوو و مە هولەك دروست كر، و ئەم بخوە تاخفتین و دناڤبینەكێ كاك (سەردار) گۆتی راوستن و مە گۆتێ خیرە گۆتی خولی ب مە وەربوو و گۆت رادیویا بێژیت (ملا مستەفا بارزانی) وەفاتكر و من شەهید (حەمید) دیت هوسا كرە گری و خوە هلا ڤێت هەچكو تو ئاژەلەكی سەر بربكەی و بەردەی و ئەم هەمی كەتینە وێرێ و مە دەست ب گریێ كر و هەتا سپێدێ مە كرە گری و هەتا سپێدێ ئەم چووینە بنێ بێتكارێ وی دەمی بارەگایێ مە ل وێرێ بوو و زێرەڤانێن (جەوهەر نامق) گۆتن یا گۆتی بلا كەس نەهێتە دەف من و رۆژا دوڤدا (سالحێ كەلەشی) مەزنێ بێتكاری یا بوو ، و گۆت دێ چمە دەف سەلیم سورو و چوونە دەف (سالحێ كەلەشی) گۆتێ چوونا (ملا مستەفا بارزانی) خەمەكا مەزنە ب سەر مللەتێ مە داهاتی لێ هوون هەمی (مەلا مستەفا بارزانی) نە و دەستا ژ شورەشێ بەرنەدەن و (سالحی) گەلەك ل دلێ مە دا و ئەو دو رۆژ بوو مە خوارن ژ قەهرا نەخواری، و دوڤدا (سەلیم سورو) فەرمان دا تەباخچی خوارنێ دروست بكەت و گەلەكێ نەخوش بوو.
هەمان پێشمەرگە گۆت: دەمێ داستانا كانی ماسێ دروست بووی ل سالا 1987ێ سێ پێشمەرگێن مە شەهید بوون وی دمەی بریار ئەو بوو هەر پێشمەرگەكێ شەهید بیت كلاشینكوفەك دا خێزانا وی وی دەمی (د. رۆژ نوری شاویش) بەرپرسێ لقێ بوو و گۆت ئەڤە سێ كلاشینكوف ئێك بۆ خێزانا شەهید (وەسفی، یاسین، نەبی) چوومە خرابەی وی دەمی دەڤەرا محرەم بوو و دەمێ من دایك و بابێن وەسفی دیتین گۆتن تە نەختێ كورێ مە بوومە ئینا و دایكا وی خوە دمن وەركر و ئەو موقف بوو من گەلەكێ نەخوش بوو، چەند پێشمەرگە من ل گەل خوە برن و ئەم چووینە تییلەرێ و مالا شەهیدەكی ل وێرێ بوو و ئەوا ژی بوومن نەخوش بوو و شەهید نەبی گەلەك نێزیكی من بوو و دەمێ من كلاشینكوف بوو بری و دەیكا وی هوسا خوە دمن وەركر و ئەم هەر دو پێكڤە كەفتینە عەردی و گۆت وەرە تە نەختێ لاوێ من بوومن ئینا و من كومەكا روندكا باراند، یا ژ هەمیان نەخوشتر 12 سالان ئەز كادرێ مەلا رەمەزانی بووم و دەمێ نووچێ شەهید بوونا وی گەهشتیە من من گۆت خوزی ئەز ل جهێ وی بام ئەو نەبا و گەلەك رۆژەكا نەخوش بوو.
