ل زیندانا ئەبو غرێب د ناڤبەرا من و مرنێ دا چـركە مابوون
دیدار، سالار محەمەد دۆسكی
1 – 3
پێشمەرگەیێ هەر دو شۆڕەشێن ئیلۆنێ و گولانێ و زیندانیێ سیاسی، دیاركر كو پشتی نسكۆیا سالا 1975 دەست ب رێكخستنێن نهێنی كر و د دووڤ دا رێكخراو هاتە ئاشكەراكرن و كەفتە زیندانێ دا، هەمان پێشمەرگە بەحسێ چەندین رۆژێن سەخت و دژوار دكەت بەری هەوا ئەنفالان و ل ئاوارەیێ و دروستبوون و رێكخستنا پارتی ل ئەورۆپا.
پێشمەرگێ شۆڕەشا ئیلۆن و گولانێ( سەدیق سەعدی زاویتەیی) د دیدارەكێ دا ل گەل رۆژنامەیا ئەڤرۆ گۆت: دەمێ قوتابی ل قوناغا پێنجێ ئامادەیی وی دەمی گەلەك گرنگی ب تەخا قوتابیان و تایبەت ئێكەتیا قوتابیێن كوردستانێ دهاتەدان و ئەم ژی ب ڤێ رێكێ چووینە دناڤا ئەڤێ پرۆسێ دا و چووینە دناڤا ئێكەتیا قوتابیێن كوردستانێ دا ل قەزا زاخۆ و ل سالا 1972 و 1973 تێنەگەهشتنەك دناڤبەرا پارتی و شوعیان دا دروست ببوو و ئەم بووینە پشەكەك ژ ئەوێ هەڤركیێ وی دەمی مە هەست ب وێ چەندێ كر كو ئەڤە یێ بزاڤا دكەن و تایبەت وی دەمی پشتی بەیانا 11ی ئادارێ بوو تێكدەن و ئەم پشكداری خوپیشاندان بوون و حوكمەتا ئیراقێ وی دەمی دەست ب ڕاكرنا خەلكی كر ل (شنگال و خانەقین) گەلەك خوپیشاندان دهۆك دروست بوون ئەوان سالان و زێدەتر ل سەر تەعریبكرنا هەر دو دەڤەرێن (شنگال و خانەقین) بوون وەك مە ئاماژە پێكری و رۆژ بۆ رۆژێ هەستێ نەتەوەیی لدەف مە زێدەبوو وی دەمی حوكمەت نەدشیا مە بێشینت چونكە دەستهەلات دەستێ مە دابوو، چەوا شەڕێ 1974 دەستپێكر ئێكسەر ئەم هەمی چووین بووینە پێشمەرگە و ل هەمان سال خولەكا كێمیاوی هاتەڤەكرن و من پشكداری تێداكر و پشتی خولان من ب دووماهی هاتی، چوومە سەر ب هێزا ئامێدیێ ڤە و ئەم هاتینە ڤەگوهاستن بۆ دەڤەرا (دیانا و عەلی بەگ) پشتی نسكۆیا سالا 1975 دەلیڤە چێنە بوو بچینە ئیرانێ و ئەم هاتینە خوارێ و هاتینە دناڤا باژێری دا و مە خوە رادەستی حوكمەتێ كر.
سەدیق سەعدی زاویتەی گۆتژی: هەر ل هەمان سال ئەم كومەكا گەنجان لێك كومبووین و مە گۆت نابیت هوسا بیت و ئەڤە پشتی نسكۆیێ بوو و مە گۆت دێ رێكخستنەكا نێنهی دروست كەین كو بشێن بەرامبەر ئەڤێ زولمێ ب راوستین، دوڤدا دەرچووم و هاتمە دامەزراندن ل فەرمانگەها چاندنێ ل زاویتە، هەمان دەم گەلەك گڤاشتن ل سەر من هاتنەكرن كو بچمە دناڤا رێزێن حزبا بەعس دا و ئەز نەچووم ، چونكە من سەركێشیا كومەگا گەنجان دكر وەك رێكخستنێن نهێنی و ژ ئەوان گەنجان (فەخری سەعید) بەرپرسێ مەبوو و (د.سادق) و دیسا (محەمەد سەعید بەشیر، محەمەد عەبدوللا حەمۆ) یا بناڤ بوو و ئەم ماین هەتا سالا 1976 پەیوەندی دروست بووین د ناڤبەرا مە و سەركردایەتیا بەروەخت دا، وی دەمی شەهید (زۆراب) بەرپرسێ دەڤەرێ بوو و دو لژنە هاتنە پێكئینان لژنا محلی یا (شەفەق) و (خابور) یا (شەفەق) ل دهۆك بوو و یا (خابور) ل زاخو بوو وەك پێشتر مە ئاماژە پێكری مە بەرهەڤی كربوون، و ئەو هاتن ئەم دروست بووین و بتنێ پەیوەندی دناڤبەرا مە دا دروست بوو، دا ژبیر نەكەم چونكە نەبوومە بەعسی حوكمەتا ئیراقێ ڤەگوهاستنە دەڤەرا كانی ماسێ ل ناڤ بەرواری یا ب چوونا من بۆ دەڤەرێ وەك پەیوەندی دناڤبەرا سەركردایەتیا بەروەخت و رێكخستنێن نهێنی دناڤ باژێری دا هاتمە دەست نیشانكرن، و دو جاران ل گەل شەهید (زوراب) رونشتیمە و دووماهی جار من شەهید (زوراب) دیتی و راپورت من ڕادەستی وی كری، و پشتی بورینا دو رۆژان هاتە شەهیدكرن، پشتی ئەڤان پەیوەندی یان د ناڤبەرا سەركردایەتیا بەروەخت و رێكخستنێن نهێنی دا ئەم هاتین ئاشكراكرن.
پێشمەرگەیێ هەر دو شۆڕەشێن ئیلۆن و گولانێ زێدەتر گۆت: پشتی هاتینە دەستەسەركرن ئەم هاتینە ڕەوانەكرن بۆ كەركووكێ و پشتی ئەم هاتینە دادگەهكرن ئەم هاتینە ڕەوانەكرن بۆ زیندانا ئەبو غرێب، و دو سال و سێ چار هەیڤان مامە ل زیندانێ دا و پشتی (سەدام حسێن) بوویە سەرۆك كومارێ ئیراقێ وی دەمی لێبۆرینەكا گشتی دەركر و هاتیمە ئازادكرن، دووبارە ڤەگریامە ل سەر كارێ خوە ل فەرمانگەها چاندنێ ل زاویتە و ئەڤە بڕیارا حوكمەتا بەعس بوو كو هەر ئێك ڤەگەریتە سەر كارێ خوەیێ پێشتر و دەمێ ڤەگەریایمە زاویتە دووبارە من بەردەوامی دا كاری رێكخستنا نهێنی و پەیوندیا من ل گەل خودێ ژێ رازی (فەتەح گولی) دروست بوو، حوكمەتا بەعس نەهێلا كارێ پیشەی بكەم و هاتن و چوونا من هەبیت ل دەڤەرێ و ئێكسەر وەك كارێ كارگێری هاتمە دانان و هەر بریارەكا نهێنی و گرێدایی حوكمەتا بەعس هەبیت دهاتە بەردەستێ من و من بۆ (فەتاح گولی) فرێكرن و پەیوەندی یا مە بەردەوام بوو هەتا سالا 1981ێ وێ سالێ روودانەك دروست بوو و بتنێ ل فەرمانگەهێ بووم و هێشتا فەرمانبەرێن دی نەهاتبوون هاتن و چوونا بزحمەت بوو، و (سالح ماسیكی) هات و گۆت ئەڤە رێڤەبەرێ گشتیی و چەندین بەرپرسێن بلند هاتن و من ژی پێشوازی لێكر و گۆتن كا فەرمانبەرێن هەوە؟ من گۆتێ هوون گیربووینە و هەمی چووینە دەرڤە سەر كارێن خوە ئەوان ژی گۆت بوومە بەرهەڤ بكە هەتا ئەم زڤرین ئەم دێ چینە ئامێدیێ وی دەمی (موتنی عواد) ئەمین سرێ دهۆك بوو یێ بەعسیا و چەندین بەرپرسێن دی ژی ل دەڤەرێ ل گەل بوون و هاتن كومبوون و پرسیار ژمن كرن و گۆتن چنە ئاریشێن هەوە ل دەڤەرێ من گۆتێ ئاریشێن مەیێن كارگێری نە و پێشمەرگە ل دەڤەرێ هەیە ئێكسەر گۆتن چەوا دبێژی پێشمەرگە؟ ئەڤە موخەربن من گۆتێ بووتە موخەربن بوو من پێشمەرگە نە، چونكە ئەز دناڤ دا مە و دشێن من دەستەسەر بكەن و هەر جهێ بڤێت من ڤەگوهێزنێ و یا بڤێت ل گەل من بكەن، و دەمێ من هوسا ئاخفتی گۆت دێ تە ڤەگوهێزین ناچێ بیت ل ڤێرە بی و من گۆتێ بێ منەتی و رۆژا پاشتر شوفێرێ مە دگۆتنێ (فازل) چووینە رێڤەبەریا چاندنێ ل دهۆك و دەمێ ل دەرجان ب سەركەفتیم (كەمالێ حەجی خالد)ی ل دەرجان دهاتە خوار دەستێ من گرت و چووینە ژوورا وی و من فەرمانا گرتنا خوە ل سەر مێزا وی دیت و ئەوی گۆت هەرە زی چارەسەریەكێ ل خوە بكە، و زڤریم هاتمە خوارێ و ترۆمبێلا مە یا حوكمی بوو ل زالگەهان نە راوستاندن، و من گۆتێ بابەت هوسایە و گۆت ئەژی دێ ل گەل تەهێم و ئەم پێكڤە چووینە رەشانكێ و گەهشتینە پێشمەرگە، و مە ترۆمبێل داف ئێكی مە گۆتێ ڕادەستی فەرمانگەهێ بكە و ئەم هەر دو بووینە پێشمەرگە و هەتا ئەڤرۆ .
ل دور هەوا ئەنفالان ژی، هەمان پێشمەرگە گۆت:
