وای فای بگره
مۆبایل نها بوویه ئێك ژ پێدڤیێن رۆژانه و ب ره‌نگه‌كێ گه‌له‌ك به‌رفره‌هـ دهێته بكارئینان چ بۆ پێدڤیاتیه‌كی بیت یان ئه‌نجام دانا كاره‌كی یان ژی ده‌م ب سه‌ر برنێ. چو پێ نه‌ڤێت د ڤی سه‌رده‌می دا، گه‌له‌ك یا ب زه‌حمه‌ته ده‌ستان پێ به‌رده‌ین.
دبیت نه یا ب مه‌ترسی بیت، به‌لێ د هه‌مان ده‌م دا تشته‌كێ زێده ژی بیت، باشتره ل ده‌مێ بكارنه‌ئینانێ وای فای یێ مۆبایلا خوه بگری ب تایبه‌ت هه‌كه یێ دوور بی و چو تۆڕێن نێزیك د ڤه‌گری نه‌بن.
دبیت تو وه‌سان هزر نه‌كه‌ی، به‌لێ ئه‌ڤ كارێ ب ساناهی كارتێكرنێ ل سه‌ر مۆبایلا ته دكه‌ت بێ ته هاژێ هه‌بیت، ژ به‌ر كو ئه‌و به‌رده‌وام ل ئه‌نترنێتێ دگه‌ریێت بێ كو هه‌بیت، ئه‌ڤه ژی كارتێكرنێ ل سه‌ر رێژا پاتریێ و ژیێ وێ دكه‌ت، بێ كو چو مفایه‌كی بگه‌هینیته ته.
یا ژ ڤێ ژی خرابتر ئه‌وه كو كارتێكرنێ ل سه‌ر به‌رقه‌رنه‌بوونا مۆبایلا ته دكه‌ت، به‌لێ روو ب روویێ مه‌ترسیێن ئه‌منی دكه‌ت، بۆ نمۆنه، هه‌كه مۆبایلا ته ئێكسه‌ر ب تۆڕه‌كا زه‌ره‌رمه‌ند ڤه یا گرێدایی بیت، ب ساناهی دێ گه‌هنه ناڤ پێزانینێن ته یێن تایبه‌ت و ژمارێن ته یێن نهێنی بێ تو بزانی.
شاره‌زا شیره‌تا وێ چه‌ندێ ل مه دكه‌ن وای فای یێ گرتی بیت، ده‌ما مه پێدڤی پێ نه‌بیت، دا ژیێ پاتریێ ب پارێزیت، ئه‌ڤ كریارا بچووك، مۆبایلێ ژ هێرشێن هاككه‌ران و یێن هه‌ستیار ژی د پارێزیت، به‌لكو ئه‌و وای فای یێ ل ده‌ف ته سه‌یڤكری، پێزانینێن ته بۆ كه‌سه‌كێ دی ب ڤه‌گه‌رینیت.
تشتێ باش ژی ئه‌وه كو گرتن و ڤه‌كرنا ڤێ خزمه‌تێ د هه‌ردو سیسته‌مێن ئه‌ندرۆید و ئای و ئو ئێس دا گه‌له‌ك یا ب ساناهی یه كو دشیان دایه د كورتكریێن مۆبایلێن وان دا ب ساناهی بگه‌هینێ.
