هێزێن ئەمریكی ل ئیراقێ پێڕابوونێن ئەمنی یێن توند وەردگرن
مالپەرەكێ ئیراقی بەلاڤكر، هێزێن ئەمریكی ل بنگەهێ (عەینولئەسەد) ل پارێزگەها ئەنبارێ دەرگەهێ خوە یێ سەرەكی بۆ دەمەكێ كورت ڤەكر و پاشێ دائێخست، هەر د وی دەمی دا هەژمارەكا فرۆكەیێ بێفرۆكەڤان ل ئەسمانێ دەڤەرا رۆژئاڤایێ پارێزگەها ئەنبارێ، هاتنوچوون دكر.
مالپەرێ (بەغداد ئەلیەوم) یێ ئیراقی دوهی چارشەمبی 18/6/2026ژ زاردەڤێ ژێدەرەكی بەلاڤكر» دەرگەهێ سەرەكیێ بنگەهێ (عەینولئەسەد) كو هێزێن لەشكرێ ئمریكی تێدا هاتینە جهگیركرن و دكەڤیتە سەر دەڤەرەكا بەرفرەها رۆژئاڤایێ پارێزگەها ئەنبارێ، بۆ دەمەكێ كورت هاتە ڤەكرن بۆ وێ چەندێ كاروانێن سەربازی بچنە د ژۆرڤە، بەری وێ چەندێ دەرگەهێ چوونا ژۆر ب لەز دووبارە بهێنە دائێخستن، هەر د وی دەمی دا هەژمارەكا فرۆكەیێن بێفرۆكەڤان ل ئەسمانێ دەڤەرێ چاڤدێری دكر». ئاماژەكر ژی» د نوكە دا بنگەهێ (عەینولئەسەد) د بلندترین ئاستێ هۆشدارییێدایە، تێبینییا وێ چەندێ ژی هاتیە كرن لڤین د ناڤ بنگەهێ ناڤبریدا گەلەك كێمبوویە، ئەڤە ژی ئاماژەیە بۆ هەبوونا رەوشەكا خوەپارێزییا بێ وێنە».
مالپەرێ (بەغداد ئەلیەوم) ژ زاردەڤێ وی ژێدەری بەلاڤكر ژی» پێرابوونێن ئەمنی پەیوەندی ب گرژیێن بەردەوام یێن دەڤەرێ ڤە هەیە، ب تایبەتی ل بن رۆناهییا بەردەوام یا هێرشێن دژی ئێك د ناڤبەرا ئیسرائیلێ و ئیرانێدا»
