ئەز پشتی تە بێ ئەڤینم
سەگڤان ئەحمەد
هەرۆژ جانێ هزار کۆڤان
ژنیڤا دلێ من دەردکەڤن
هەرۆژ یارێ خۆشی وشادی
وکەیف و سەما ژ من درەڤن
لمن چوو ئاڤا ڕۆژا پڕ گەش
لەوا تەڤ ڕۆژێن من شەڤن
پشتی چوویی ژ ڤی واری
ڕێکا ڤینێ لمن بی تەڤن
ئەز پشتی تە بێ ئەڤینم
لمن ڤەمری شەمالا دل
ل تە دگەڕم تە نابینم
من دگۆت توی نێرگز و گول
ل شینوارێ ڤینێ دگەڕم
کەلها عەشقێ بوویە کاڤل
چ جارا ژبیرا من ناچن
یارێ بیرهاتنێن کەڤن
دەما وێنێ تە د بینم
کانیا دەردا ژدلی دزێتن
ڕۆژێ سەد جار ئەز دمرم
ئەڤ ژیانە من نەڤێتن
دونیا ئەڤرۆ لمن زیندانە
ئێدی رۆژا من نائێتن
پێکڤە هشك بوو بوهارا من
بەلگێن دارا ڤینێ دکەڤن
