هەڤژینێ وێ پشتەڤانێ سەرەكی یە
سندس سالح سلێڤانەیی:
رەندێ محەمەد، خانمەكا خەلكا دهۆكێ یە بۆ دەمێ چەند سالان وەك (شیف) كاردكەت و شارەزای د چێكرنا هژمارەكا زۆرا خوارنان و شریناهیان دا هەیە و هەڤژینێ وێ پشتەڤانێ وێ یێ سەرەكی یە.
رەندێ، د دیدارەكێ دا بۆ رۆژنامەیا ئەڤرۆ گۆت: بەری چەندین سالان ئەڤ حەزە ل دەف من هەبوو من خوارن و شریناهی ل مالا چێدكرن، پاشان بۆ دەمەكی من ل گەل كەسەكی كاركر و نوكە ئەز وەك (شیف) ل زانكۆیا جیهان كاردكەم و هەتا نوكە گەلەك كەس ل بەر دەستێ من فێربووینە و سوپاس بۆ خودێ كو داهاتەك دگەهیتە من ئەز دشێم هاریكاریا مالا خوە ژی بكەم، هەروەسا سوپاس بۆ هەموو ئەندامێن مالێ كو ئەو پشتەڤانێ من یێ سەرەكی یە و هەردەم دبێژیتە من مادەم تە باوەری ب خوە هەیە ئەز دێ بەردەوام هاریكاربم ل گەل تە.
