ب وێنەیێن ئەلهۆیێن چیا بەرنیاس بوویە
هێلین سالم:
نیرۆژ خالد، كچەكا خەلكا دهۆكێ یە، ژیێ وێ (23) سالن و دەمەكە حەزا چێكرنا وێنەیان هەیە و دووماهی كارێ وێ ژی بەری حەفتیەكێ بوو، ئەو ژی رابوویە ب چێكرنا وێنەیێن سەرۆك و یاریزانێن یانا دهۆك یا وەرزشی ل سەر دیوارێن ژ دەرڤەی مالا خوە و ئەڤە چەندێ دەنگڤەدانەكا باش ل دووف خوە هێلایە و بوویە ترێند.
ناڤهاتیێ د دیدارەكێ دا بۆ رۆژنامەیا ئەڤرۆ گۆت: دژیەكێ بچووكدا من حەزژ چێكرنا وێنەیان دكر، ب تایبەت ژی وێنەیێن سروشتی، لەورا ئەز چوومە پشكا شێوەكاری ل پەیمانگەها هونەرێن جوان و پشتی من ئەو ب دووماهی ئینای ئەز چوومە كولیژا زانستێن مرۆڤایەتی/ پشكا پەیكەرتاشی و تەكنیكا من یا وێنەكێشانێ پتر خەیالی (سریالی) یە.
دەبارەی چێكرنا وێنەیێن ئەلهۆیێن چیا، ئانكو یاریزانێن یانەیا دهۆك یا وەرزشی، ل سەر دیوارێن دەرڤە یێن مالا خوە گۆت: ژبەر حەزا من بۆ یانەیا دهۆك ئەز بڤی كاری رابوویمە و پشتی خەلكەكی دیتین ئەز پێ پەرنیاس بووم، بۆ زانین من پشكداری د گەلەك پێشانگەهێن هەڤپشك دا كریە، بەس هەتا نوكە من چو پێشانگەهێن تایبەت نەڤەكرینە و هیڤیا من ئەوە ئەو رۆژ ژی بهێت و ئەز گەلەك ب كەڤالێن (مایكل ئەنجلۆ و لیۆناردو داڤنشی) داخبارم.
