ده‌ستبه‌ردان
دلۆڤان هالۆ
من هزر دکر
ئه‌گه‌ر جیهان هه‌می
ده‌ستان ژ من به‌رده‌ت
تو چ جاران ده‌ستان
ژ من به‌رنادەی
هه‌تا مرنێ
دێ مینی لگه‌ل من
و ژ رێكا عه‌شقا من لا نادەی
لێ ل نیڤا رێكێ
ته ده‌ستێ خۆ
ژ من به‌ردا
تو چووی
و ته گوهدا نه‌حه‌ز و نه‌مه‌ردا
تو زوی هاتی گوهۆڕینێ
ته كه‌لها ئەڤینا مه
هه‌ڕفاند
ب بێ وژدانی
ته دلێ من
د بن پیێن خۆ ڤه
هه‌ڕشاند
ب چوونا ته
ئه‌ز فایده بووم
چونكی تو
هه‌ژی من نینی
تو ژی ده‌ركه‌تی خوساره‌ت
چونكی ئێكە دی
وه‌كی من تو نا بینی.
