ژ نەچاری وی كاری دكەت
هەرهین محەمەد:
لێدەرێ سازێ (عەلی عیسا) كو خەلكێ رۆژئاڤایێ كوردستانێ یە، د دیدارەكێ دا بۆ رۆژنامەیا ئەڤرۆ گۆت: ژەنینا سازێ من ژ باب و باپیرێن خوە وەرگرتیە و بابێ من سترانبێژ و ئاوازدانەربوو، د چوو ئاهەنگ و دەوات و هەلكەفتان و ئەز گەلەكێ بچووك بووم دەمێ بابێ من ل مال ساز لێدا و ستران دگۆتن، ئەو ژی بۆ دەرگەهەك ئەز خوە ب هاڤێژمە دمەیدانا مۆزیك و سترانێ دا و پاشان ل گەل مامێ خوە چوومە داواتان من ستران دگۆتن و تومبلك و تەمبورا كوردی دژەنی. هەروەسا گۆت: دەمێ ئەز ل رۆژئاڤاێ كوردستانێ بەردەوام دچوومە دەواتان و هەلكەفت و ئاهەنگان، بەلێ نوكە ئەو تشتە ل باشور نینە و بتنێ ل جهێن گەشتیاری و روونشتنان مۆزیكێ دژەنم و ئەز ژ نەچاری ڤی كاری دكەم و هەكە جهەكێ باشتر هەبا وەكو كافی و ریستورەنتان بەردەوام من مۆزیكژەنی با و ستران گۆتبان دا گەلەك باشتر بیت.
