مەدیاكارێ سەركەفتی
سندس سالح سلێڤانەیی:
بێوار شێخكی، پەیامنێرێ دەزگەهێ بزاڤ دیجیتال یێ مەدیایێ، د دیدارەكێ دا بۆ رۆژنامەیا ئەڤرۆ گۆت: بەری پێنج سالان من حەزژ كارێ وێنەگریێ دكر، ب تایبەت ژی یێ وەرزشی، پاشان ئەزچووم من پشكا راگەهاندنێ خواند و ل سالێن خواندنێ دەلیڤە بۆ من هات ئەز چوومە دەزگەهێ ناڤبری و نێزیكی سێ سالانە ل وێرێ كاردكەم و هیڤیا من ئەوە ل پاشەرۆژێ ببمە كەسەكێ كاریگەر دبۆارێ مەدیایێ دا و بشێم باشتر خزمەتا مەدیایا كوردی بكەم.
هەروەسا گۆت: هەلبەت د كارێ راگەهاندندنێ دا ل دەستپێكێ هندەك ئاستەنگ هەنە، لێ ب بۆرینا دەمی و زیرەكیا مرۆڤی نامینن و هەر چەندە كارەكێ ب زەحمەت، بۆ نموونە هندەك جاران هەتا مرۆڤ هندەك پێزانیان ل دۆر كارەكی ب دەستڤە بینیت، لێ خۆشی ژی یا تێدا هەی و هەردەم ئەز دبێژم مەدیاكارێ سەركەفتی ئەوە یێ بشێت (ئەتەكێتێن رۆژنامەڤانی) ب دروستی وەربگریت و كاری ل سەر بكەت، هەروەسا مفا و سەربۆران بۆ خوە ژ هندەك مەدیاكارێن دی ببینت.
