خەونا وی ئەوە پێشانگەهەكا تایبەت ڤەكەت
بێوار حەمدی:
شێوەكار (سەردار فەیسەل) د دیدارەكێ دا بۆ رۆژنامەیا ئەڤرۆ گۆت: پتر پێنج سالان ئەز دبۆارێ شێوەكاری دا كاردكەم و پتریا كەڤالێن ئەز چێدكەم دەریڕینێ ژ مرۆڤان و سرۆشتی و گیانەوەران دكەن، چنكو خەلكەك پتر حەزژ وان جۆران دكەن.
هەروەسا گۆت: هەردەم ئەز دبێژم دڤێت مرۆڤ ب بەردەوامی كاری ل سەر بەهرەیا خوە بكەت دا نوویاتیان پەیدا بكەت، هەروەسا بۆ هەر كارەكی خەونێن مەزن یێ ل پشت هەین و نابیت دەستان ژێ بەردەی هەتا دگەهیتە ئارمانجێن خوە، ژبەركو بەردەوام بوون ل سەر كاری ئاستێ مرۆڤی باشتر لێ دكەت و بۆ دەمێ بهێت ژی ئێك ژ خەونێن من ئەوە پێشانگەهەكا تایبەت ڤەكەم.
