پتر ژ 99 هزار تەنێن گەنمی ژ جۆتیاران هاتینە وەرگرتن

پتر ژ 99 هزار تەنێن گەنمی ژ جۆتیاران هاتینە وەرگرتن

2

دهوك، لەزگین جۆقی:

ریڤەبەرێ بازرگانیا دەخل و دانی ل پارێزگەها دهۆكێ و رێڤەبەرێ سایلۆیا فەیدیێ بۆ رۆژناما ئەڤرۆ دیار كر، هەتا نوكە پتر ژ 99 هزار تەنێن گەنمی ژ جۆتیارێن پارێزگەها دهۆكێ هاتینە وەرگرتن و دبێژیت: پرۆسەیا وەرگرتنا گەنمی ئەڤرۆ 16/5/2025ێ دێ ب دوماهی هێت.
نازم محەمەد عەلی، ریڤەبەرێ بازرگانیا دەخل و دانی ل پارێزگەها دهۆكێ و رێڤەبەرێ سایلۆیا فەیدیێ ئاشكرا كر، بڕیار بوو ئەڤ سالە پتر ژ 117 هزار تەنێن گەنمی ل هەر چار سایلۆیێن دهۆكێ بهێنە وەرگرتن، هەتا نوكە پتر ژ 99 هزار تەنێن گەنمی هاتینە وەرگرتن و گۆت: «ئەڤرۆ 16/7/2025 پرۆسەیا وەرگرتنا گەنمی ل سایلۆیێن شێخان و فەیدیێ و زاخۆ و رۆڤیا دێ‌ هێتە راوەستاندن».
گۆتژی: «ل سایلۆیا شێخان پتر ژ 19 هزار تەنێن گەنمی ژ جۆتیاران هاتینە وەرگرتن، ل سایلۆیا زاخۆ پتر ژ 12 هزار تەنان، ل سایلۆیا فەیدیێ پتر ژ 29 هزار تەنێن گەنمی ژ جۆتیاران هاتینە وەرگرتن و ل رۆڤیا ژی زێدەتر ژ 35 هزار تەنێن گەنمی ژ جۆتیاران هاتینە وەرگرتن».

کۆمێنتا تە