ڤیانا من بۆ هونەری گەلەكە
عەیشان عەجیب:
باشنڤیس و نیگاركێش (ئدریس عەبدولخالق سلێڤانەیی) كو ژ باژێرێ زاخۆیە، د دیدارەكێ دا بۆ رۆژنامەیا ئەڤرۆ گۆت: دژیێ یازدە سالیێ دا من دەست ب نەخشاندنا دیوارێن قوتابخانەیان و باغچەیێن زارۆكان، هەروەسا مزگەفتان ل سنۆرێ ئیدارەیا سەربەخۆیا زاخۆ كر، من دروشم و وێنەیێن سرۆشتی و یێن هەمەڕەنگ كو دەربڕین ژ خواندنێ و فێركرنێ دكەن ل سەر دیوارێن وان چێدكرن.
هەروەسا گۆت: ل سالا (2001) من شیا پێشانگەهەكا باشنڤیسیێ ل زاخۆ ڤەكەم و حەز و ڤیانا من بۆ هونەری گەلەكە و ئەزخۆشیێ ژكارێ خوە دبینم، لەورا دێ یێ بەردەوامبم، بۆ زانین من چەندین ئایەتێن قورئانا پیرۆز ل سەر دیوارێن مزگەفتان نڤیسینە.
