چەكێ مە یێ نۆرمال بوو، بەلێ ئیرادە و باوەرییا مە ب دۆزا م للەتێ كورد یا ب هـێز بوو
سالار محەمەد دۆسكی:
2- 3
پێشمەرگەیێ شۆڕەشا ئیلۆن و گولانێ هەروەسا بەحسێ نسكۆیا سالا 1975ێ كر و گۆت: ل نسكۆیا سالا 1975ی یا دژی دوزا مللەتێ كورد بگشتی مللەتێ مە عاجز بوو وی دەمی ئەز ل سەر دوشكێ بووم ل سپی رێزی و خەلكی گەلەك گریا و هەمی مللەت عاجز بوو و ئەز و مامێ منێ خودێ ژێ رازی (عەبابەكر نەبی) مە گۆت دێ پێكڤە چینە ئیرانێ، و ئەم لێكدو بەرزە بووین و من هزر كر ئەوێ چووی و ئەزێ مایم و هەمان دەم وی ژی هزر كر ئەزێ مایم، و من گەلەك پرسیار وی كر ب رێكێ ڤە و هەتا گەهشتیمە سەر سنوری و دەرباز بووم وی دەمی ئەز زگورد بووم و دەمێ گەهشتیمە ئیرانێ ئەز ل (بەندەر عەباس) ئاكنجی بووم، و ئەو دەڤەر جەهنەما سەر دونیایێ بوو و گەلەك گەرم بوو و بیرا من دهێت خەلكی گەلەك رەزالەت دیت ل دەڤەرا (بەندەر عەباس) و گەلەك زاڕۆكێن خەلكی وەغەركرن چونكە گەرمەكا مەزن بوو، و دوڤدا مە ژ حوكمەتا وی دەمی یا ئیرانێ خواست چارەكێ ل ژیانا مە بكەت، مە ئەڤ گەرمە نەدیتی یە و ئەگەر بەردەوام بیت ئەم هەمی دێ مرین ژ گەرما و سەقایێ نەخوش، و دوڤدا بڕیار دا كو خێزان و زارۆك بهێنە ڤەگوهاستن بۆ باژێرەكێ دی و ئەم زگورد هێلاینە ل (بەندەر عەباس) ئەز چار سال و چەند هەیڤان مامە ل دەڤەرێ و مە دەست ب كارێ ئازادكر وی سەردەمی ژیانا خەلكێ مە بگشتی ل ئیرانێ یا نەخوش بوو، و پشتی دەست هەلاتا ئیرانێ هاتیە گوهورین و دەسپێكێ خەلكێ مە ل سەر هەمی باژێر و دەڤەران هاتبوو بەلاڤەكرن و زەمانێ شاهێ ئیرانێ هەر بۆ كەسەكێ نەبوو یێ بێ كاربیت و دا دەستێ مرۆڤی كێشن و دڤێـت تە كاركربا، ئەگەر نە ژیان نەبوو وی دەمی دەستهەلاتێ ژی نەدهێلا كەسەكێ بێ كاربیت.
عەبدولعەزیز سمایل نەبی بابۆخكی دۆسكی، گۆت: پشتی گۆهورینا دەستهەلاتێ خێزان و خەلكێ كورد زڤرینە دەڤەرێن كوردستانا رۆژهەلات و رێكخستنێن پێشمەرگەی دروست بوونە ڤە و پێشمەرگە ب شێوەكێ باش هاتە رێكخستن و هەر دناڤ سالێن هەشتێیان دا من ژیانا هەڤژینێ پێكئینا و بیرا من دهێت ئەم (32) پێشمەرگە بووین و هەر ئێك یێ جهەكی بوو وی دەمی ئەم پێشمەرگە بووین لژنا (زێوە) بووین.
هەروەسا پێشمەرگەیێ ناڤهاتی گۆت: جارەكێ حزبێ لژنا (زێوە) وی دەمی ئەم (32) پێشمەرگە بووین و گۆت هەر پێشمەرگەكێ شیانێن كرینا چەكی هەبن بلا بخوە بكریت و مە (12) پێشمەرگان دەستێن خوە بلندكرن، كو مە شیانێن كرینا چەكی دێ هەبن و ئەوان گۆت بخوە بكرن و هەر دەمێ چەك بوومە هات، ئەم دێ كلاشینكوفا دەینە هەوە و هوون چەكێ خوە بخوە فرۆشن و پشتی چەك هاتی چەك نەدامە و هەر مە گۆتێ و مە گۆتێ (ئدریس بارزانی ) گۆتیە مە و ئەوان گۆت نەخێر هەوە چەك هەنە.
هەمان پێشمەرگە بەحسێ بیرهاتنەكا خوە ل گەل رەحمەتی (ئدریس بارزانی) دكەت و بێژیت: جارەكێ ب كارەكێ پارتایەتی چوومە لایێ ئدریس بارزانی و كلاشینكوف و دەمانجە ل گەل من بوون و بەری بچمە ژوورا وی من چەكێ خوە دانا دەف زێرەڤانی و چوومە ژوورا وی و خودێ ژێ رازی (ئدریس بارزانی) ئێكسەر گۆت كا چەكێ تە ؟ من گۆتێ من هێلا ل دەرڤە دەف زێرەڤانی و رێزگرتن بۆ جەنابێ هەوە و ب چەك ڤە نەهاتم و ئێكسەر گۆت هەرە چەكێ خوە هەلگرە شنی وەرە ژوور.
پێشمەرگەیێ شۆڕەشا ئیلۆن و گولانێ بەحسێ چەند بیرهاتنێن خوە دكەت ل گەل خودێ ژێ رازی (ئدریس بارزانی) گۆت: جارەكێ مووچێ مە هاتە برین وی دەمی هەر شەش هەیڤان جارەكێ ئەو هاریكاری مە وەردگرت و دەمێ ئەم چووینە دەف ژمێریاری كو وی دەمی (حەمید سوری) بوو و گۆت مووچێ هەوە نەهاتیە مە گۆتێ بۆچی ژ ئەڤی هەمی پێشمەرگەی مووچێ مە نەهاتیە؟ گۆت نەهاتیە، هەمان دەم ئەم كرێدارین و داهاتێ مە مووچە بوو، هەڤالەكێ لقێ ئێك بوو مە نڤیسارەك نڤێسی و مە مورا لژنێ لێدا و مە ب دەستێن خوە برە دەف خودێ ژێ رازی (ئدریس بارزانی) و بابەت من گەهاندێ و ئێكسەر كاغەزا مە بەرۆپشت كر و سەر نڤێسی و گۆت هەرە دەف مووچێ خوە وەربگرە و ئەم چەندین كەس بووین لژنا (زێوە) وی دەمی رەحمەتی (ئدریس بارزانی) گۆت نەچە دەف (حەمید سوری) بلا ئەو بخوە بهێت كاغەزا هەوە بەت و مووچێ هەوە بدەتە هەوە و هر ئێكسەر هات و جارەكادی وەكی هەمی پێشمەرگەی مووچێ مە هاتە مەزاختن، وی دەمی هاریكاری بۆ هەر شەش هەیڤان جارەكێ(1200) دینار بۆ هەر پێشمەرگەكی دهاتەدان، دژیانا شۆڕەشگێریێ دا سێ جاران و رەنگە زێدەتر چوویمە دەف خودێ ژێ رازی (ئدریس بارزانی) و پێنچ جاران چوویمە دەف سەرۆك (مەسعود بارزانی) هەر هەمی بكارێن پارتایەتی بوویە و چوونا دەف نە گەلەك یا بزحمەت بوو و هەر كەسەكێ ڤیابا دشیا ببینت و هەر گلە و گازندە و داخازكا هەبا مە پێشكێشی ئەوان كر وی دەمی بارەگایێ هەر دو سەركردان ل (راژان)ێ بوو،
