ڤۆلی بۆلا سەنحاریب نێزیكی ناسناڤێ ئیراقێ بوو
د داخویانیەكا تایبەت دا داود رەبەن سەرۆكێ یانەیا سەنحاریب بۆ رۆژنامەیا ئەڤرۆ دیار كر دەربازبوونا تیما وان بۆ خولا پلا نایابا ئیراقێ یا ڤۆلی بۆلێ دەستكەڤتەكێ نوویە د وەرزێ ئەڤ سالە دا و كچێ نمە د ڕژدن ناسناڤێ خولا پلا ئێك ژ ب دەستڤە بینن.
زێدەتر ناڤهاتی گۆت: تیما كچێن یانەیا سەنحاریب ب سەرپەرشتییا د. هەكار برقی بەرهەڤیێن بەردەوام ئەنجامدابوون و ئارمانجا مە ژی ئەو بوو ڤەگەڕاندنا تیما خوە یا ڤۆلی بۆلێ بۆ نایابا ئیراقێ بڕێیا ئەنجامدانا ڤاڤارتنان ئەوا ل هەلەبچەیا شەهید هاتییە كرن، پێنچ یانە د هەر كۆمەكێ دا بوون و ئەم شیاین د هەموو یاریێن خوە دا ب سەركەڤیت و سەركێشییا كۆما خوە بكەین و دەربازبینە قۆناغا دووماهیێ ئەوا بڕیارە ل ناڤەڕاستا مەها بهێت ل هەولێرا پایتەخت ب پشكدارییا شەش یانەیان بهێتە كرن.
ژلایەكێ دووڤە سەرۆكێ یانەیا سەنحاریب دۆپاتی ل سەر باشتر بەرهەڤی و دانانا پلانا بۆ قۆناغا دووماهیێ دا كر و گۆت: ل دووڤ پلانا مە و كادرێ ڕاهێنانێ ئەم هەتا نوكە د سەركەڤتی نە، بۆ قۆناغا دویێ بەردەوامی دانە ل سەر پلانان و پێخەمەت ب گەهینە ئارمانجا خوە ئەو ژی ب دەستڤە ئینانا ناسناڤێ خولا پلا ئێكە، پێنەڤێت ئەركێ مە ب سانەهی نابیت سەرباری ئاستەنگان كچێن مە د ڕژن بۆ دەستڤە ئینانا ناسناڤی، لەوما ژی بۆ پێكهاتێ تیمێ ئەڤچارە شەش یاریزان ژ دەرڤەیێ دهۆكێ هاتینە و یێن دی هەموو كچێن باژێری نە ژ وانا یاریزانەكا مە باشترینا ئیراقێ و هەلبژارتیێ ئیراقێ یە.
ل دووماهیێ داود رەبەن گۆت: وەكو تاكە یانەیا پارێزگەها دهۆكێ ل سەر ئاستێ كچان دناڤ قارەمانییا ڤۆلی بۆلا ئیراقێ دا یاریێ دكەین و ئارمانجا مە سەرفەرازی و دەستكەڤتە، بۆ ڤێ چەندێ ژی وەكو كارگێریا یانەیا سەنحاریب هەمی لایەكێ ڤە ل دووڤ شیانێن خوە هاریكار و پشتەڤانییا تیما خوە دكەین، هەموو هیڤی و ئۆمێدێن مە ئەون ئەڤ سالە بۆ یاریێن كۆم دا یانەیا سەنحاریب ژی وەكو یانەیێن دهۆك و ئافرەتێن دهۆكێ دەستكەڤتەكێ بۆ پارێزگەها دهۆكێ بینن.
