ئەحمەد سەبری گرێبەستا یانەیا جەوییە ئیمزاكر
د داخویانیەكا تایبەت دا كوڕێ باژێرێ سێمیلێ و یاریزانێ پێشتر یێ یانەیا نەفت ئەحمەد سەبری بۆ رۆژنامەیا ئەڤرۆ دیاركر ب فەرمی ئەوی گرێبەستا یانەیا قوە ئەلجەوییە یا بەغدایی ئیمزاكر خوە بەرهەڤكرن بۆ وەرزێ نووی ێ خولا ستێرێن ئیراقێ یا فوتبۆلێ.
زێدەتر ناڤهاتی گۆت: پشتی ب دووماهیی هاتنا خۆلا ئیراقێ كارگێریا یانەیا جەوییە پەیوەندی ب من كرن ژبۆ ئیمزاكرنا گرێبەستا وان، مە دەست ب دانۆستاندنان كر هەتا گەهشتینە ڕێكەڤتنێ ل سەر مووچەی ب تنێ ڕاگەهاندنا فەرمی مایە و پێدانا هژمارەیا درێسێ، د وەرزێ بوری دا شیام ئاستەكێ باش دگەل یانەیا نەفت یا بەغدایی پێشكێشبكەم بوو مە گۆلكارێ یانەیێ ب تۆماركرنا نەهـ گۆلان دیسان هەتا چار ئەسێست ژی هەبووینەو ئەڤەژی ڕێژەیە كو پالدەرە بۆ وەرزێ بهێت باشتر خوە بەرهەڤبكەم و ئاستێ خوە پێشبێخم.
ژلایەكێ دووڤە ئەحمەد سەبری گۆت:، یانەیا قوە ئەلجەویە ئێك ژ یانەیێن ناڤدارە و خودان مێژوویە و ئێك ژ جەمسەرێن مەزنێن یێن فوتبۆلا ئیراقێ یە و خەونا هەر یاریزانەكێ یە یاریێ ب درێسێ وان كەت، پێنەڤێت ئەڤی وەرزی خولا ئیراقێ پێشڤەچوونێن باش بخوەڤە دیتینە سال بۆ سال پێشكەفتی ترە هەمی لایان ڤە، یا من دڤێت دگەل یانەیا خوە یا نوو ئاست و ئەنجامێن باش دەستڤەبین د هەڤركیێن خولێ و كۆپا ئیراقێ دا بۆ وەرزێ بهێت.