56 رۆژان ئەز چاڤەڕێی كنفا سێدارێ بووم و پتر ژ 900 كوردان هاتنە سێـدارەدان
سالار محەمەد دۆسكی:
3- 3
ئەڤە چەند سالە سەرا كوردینیێ ب دنیایێ ڤە و زیندانێ دا و ل دووماهیێ ببمە هەڤالێ زەلامێن ئەمنێ و راپورتا ل سەر هەڤالێن خوە چێكەم و من گۆتێ هێژایێ من رۆژا هاتیمە دەستەسەكرن من سوویند خواریە كو ئێدی بۆ چ كەسان پشكداری سیاسەتێ نەبم و ئەز و سیایەت ب دووماهی هاتینە وی گۆت كەیفا تەیە وەرن ببەن وەك كولانەكێ برم و برمە د ژوورەكێ ڤە، ژوورەكا د ژوورەكا دی دا و هاڤێتمە تێدا و (17) رۆژا مامە دوێ ژوورێ دا و بن دەرگەهی خارنێ دەنەمن و بتنێ سیناهیەك ل سەری دەركەفت و من بەر پێن خوە نەدیتن و ئێدی من رۆناهی نەدیت و پشتی (17) رۆژ ب دووماهی هاتین و جارەكا دی گازی من كر و چوومە وێرێ و گۆت تە چ گۆت من گۆتێ(نفس كلام) ئێكسەر ئاخفتنێن كرێت و نەخوش گۆتن و دامە بەر شەق و پێنا و گۆتن جهێ ڤی مرۆڤی ل ڤێرە نینە و ببەن و جهەكی دبێژنێ (محەجەر) مرۆڤی بەنە وێرێ هەتا بۆ مرۆڤی جهەكی دبینن، و دوڤدا مرۆڤ دهێتە ڤەگوهاستن بۆ جهەكێ دی و (15) رۆژا مامە ل وێرێ رۆژەكێ گۆتنە من وەرە ژ دەرڤە و چووم من هەمی زیندانی دیتن و خەلكێ ئیراقێ و كوردستانێ و هەمی نەتەوا و ئاینان تێكەلن و خەلكێ دهۆكێ ژی ل گەل دا هەنە و برمە جهەكی گۆتن ئەڤە جهێ تەیە و ئەز ئێكێ گولەی بناڤێ(عەبدلڕەحمان) و هەڤالەكێ وی خارن دخارن و گۆتن وەرە تشتەكی بنڤیسەر بۆ مالا خوە دا سەرەدانێن تە بهێن و دەمێ برقی ب رێكا ئەمنێ دچن ئەو مانا وێ ئەوە مرۆڤێ هەوە هاتیە سێدارەدان وەرنە جەنازێ خوە و ئەگەر ب رێكا پولیسان بچیت ئەو مانا وێ ئەوە هاتیە زیندانكرن و سەرەدانا وی بكەن و برقیا من ب رێكالا ئەمنێ بۆ مالا من هاتە ڤەگوهاستن و دەمێ برقی ب رێكا ئەمنێ گەهشتیە مالا بابێ من مرۆڤێن مە هەمی كومبوون و بۆ گری و شینی ل مال دا چونكە پێشتر زانیاری هەبوون كو ئەگەر ب رێكا ئەمنێ بچیت ب چ شێوازە و ئەڤجا بۆ گری و شینی ل مال دا گۆتن كامل هاتە سێدارەدان و مالا مە هەمیان بەرهەڤیێن خوە كرن كو دێ هێن جەنازێ من وەرگرن و ئەو رۆژا من دەست نیشانكری هاتنە ئەبو غورێب وەكی هەمی خەلكی هاتنە ژوور ڤە و مە ل ل وێرێ ئێك و دوو دیت كو یێ ساخم و نەهاتیمە سێدارەدان و بیرا من دهێت ئاگرێ نەوروزێ من بزلكێ شخاتێ ل ژوورا سێدارەدانێ ڤە هەلكر و ب شەف وەك نیشانا نەوروزێ و ئەم ماینە ل زیندانێ دا وەك هەمی هەڤالان و چاڤەرێی دەلیڤەكێ بووین بهێنە ئازادكرن وەك هەڤالێن خوە مامە ل زیندانێ هەتا سالا 1988ێ ل گەل هەڤالێن خوە و دەمێ لێبورین هاتیە دەركرن و سالا 1986 لێبورینەك هاتەدەركرن گەلەك كێم هاتنە دەرخستن و پتر ژ مادێ (175) گرتن و مادێ مە (157) بوو، ماوێ هاتیمە رادەستكرن بۆ حوكمەتا ئیراقێ هەتا هاتیمە ئازادكرن نێزیكی حەفت سالان زیندانێ دا مام.
زیندانییێ سیاسی كامل زێوەی بەحسێ نەخۆشترین رۆژێن زیندانێ كر و گۆت: رۆژێن ڤەكولینێ گەلەك نەخوش بوون و مرۆڤ مرنێ دخازیت و مرن ب دەست مرۆڤی ناكەڤیت، دژوورێن سێدارەدانێ ڤە دەروونێ مە گەلەك تێكچوو هندە مرۆڤ ل دەف مە هاتنە سێدارەدان و هەڤالێن تە پێكڤە رابوون و پێكڤە خوارن و نڤستن و پێش چاڤێن تە ببنە سێدارەدانێ و نەمینتە ساخ و هەر چەند رۆژەكا هندەكا ل دەف مرۆڤی بەن و مرۆڤ داخبارێ ئەوان هەڤالانە ئەوێن سەرا ڤی مللەتی و دەرحەقێ ڤی مللەتی دا ل زیندانێ دا بووینە، و ئەو رۆژ چ جاران ژ بیرا من ناچن دەمێ هڤالێن من ل دەف من هاتینە سێدارەدان.
ناڤبری بەحسێ سێدارەدانا هەڤالێن خوە ئەوێن ل گەل هاتینە دەستەسەكرن دكەت و گۆت : پشتی ژ ژوورێن سێدارێ هاتیمە دەركرن هەر دو هەڤالێن منێن پێشتر من گۆتی كو مە خواترا خوە ژێك خواستی ئەو 31/3/1985 هاتنە سێدارەدان ئانكو بەری سێدارەدانا وا ب پێنچ رۆژا ئەز هاتبوو دەرخستن .
زیندانیێ سیاسی كامل یاسین زێوەی دۆسكی، بەحسێ رۆژێن ئازادكرنا خوە كر و گۆت: دەمێ لێبورینا گشتی هاتیەدەركرن ل سالا 1988ێ هەمی مرۆڤێن مە ل گەل مالا مە پێكڤە هەمیان قەستا بەر دەرگەهێ زیندانا ئەبو غورێب كر و نێزیكی (7 – 10) رۆژا مان بەر دەرگەهێ زیندانێ و لێبورینا گشتی نەهاتە تەنفیزكرن و مرۆڤێن مە بێ هیڤی بوون و گۆت دیارە نابەردەن و هەمی زڤرینە دهۆكێ مالێن خوە هەتا گەهشیتە 14 و 16 و گۆتن ئەڤێن مەدەنی سوباهی 14 یە و دێ هەمی هێنە ئازادكرن و ئەژی مەدەنی مە و قوتابی بووم و ئەم نێزیكی 500 كەسان بووین و ئەم هەمی بووینە رێز و ناڤێن هەر هەمیان خواندن و بتنێ مام و من گۆتێ ئەز ئاخفتنێن كرێت گۆتن و گۆت تو لەشكری دێ ل گەل لەشكری بی و من گۆتێ نە لەشكری نینم و ناهێلن مرۆڤ باخڤیت و چوومە سەر جهێ خوە و مە هەمیان جهێن خوە راكربوون و ب بهانا وێ چەندێ كو دێ دەركەڤین و هێینە ئازادكرن و چوومە سەر جهێ خوە و رۆژا پاشتر گۆتن بلا لەشكر بهێن و ل گەل لەشكرا چووم و جارەكا دی ناڤێن هەمیان خواندن و ناڤێ من هەر نەهاتە خواندن و نە هاتمە ئازادكرن، و ئێكی دگۆتنێ (خەلەف گەرگەری) ئەو (16) سال بوو ژوور ڤە و ئەوی هەمی نیاسین و نوكە ژی دیوارێن مالێن مە پێكڤە نە و من بابەت بۆ شەرۆڤەكر بۆچی نەهاتیمە ئازادكرن ئەوی گۆت رەنگە فایلا تە بەرزەبوویە و من گۆتێ بۆچی ژ ئەڤان هەمیان فائیلا من بەرزە بوویە ؟ وی گۆت دێ چم پرسیاركەم و یێ زیرەك بوو و ئەو چوو هەتا مەغرەب و ناڤبەینەكێ من دیت هاتن و ناڤێ من خواندن و گۆتن (كامل یاسین محەمەد دۆسكی) گۆتن تە جانتێ خوە ئینایە من گۆتێ ئەڤە چەند رۆژە جانتێ من ل بەر دیواری و گۆتن وەرە مە فائیلا تە دیتی یە و روینشتم یێ ئەەمنێ گۆت دێ تە سوباهی دێ ئازاد كەین، و خەلەفی گۆت چەند پارەف تە هەنە، هندەك بەریكا من دا بوون و خەلەفی ژ بەریكا من ئینانە دەر و كرنە بەریكا یێ ئەمنێ دا و گۆت مورەكێ ل دەستی بدە دا بچیت، و مورەەك ل دەستێ من دا و مەغرەبە و نوزانم دێ چكەم نە من (دهۆك، مویسل، بەغدا) من نەدیتینە، ل گوندی بووم و من چ باژێر نەدیتینە، و نوزانم دێ چەوا قەستا مالا خوە كەم و دەركەفتم من دیت ترۆمبێلەكا تەكسی یا دبێژیت (عەلاوی) و بەری هینگی مە دگۆتنە ئێكودو كا چەوا دچنە مال و ب وێ ترۆمبێلێ چوومە (عەلاوی) و ئێكسەر من دیت سوپەرەكا گازی دكەت (مووسل) هاتمە مویسل و گەهشتم بەرزیلەكا سۆر یا دبێژیت (دهۆك .. دهۆك) من گۆت گەلەك باشە و هاتمە دهۆك و شوفێرێ بەرزیلێ گۆت برا مالا تە ل كیڤەیە من گۆتێ ب مالا خوە ناكەڤم بەلێ من ببە دەف گورستانا بەرۆشكێ مالا هەڤالەكێ من یا ل وێرێ و دەیكا وی دهاتە زیندانێ دەف مە و گۆت مالا مە یا ل فلان جهی و دەرگەهێ من فلان رەنگە وگۆت بوو كامل هەە ئازاد بووی وەرە مالا مە و دوڤدا ئەم دێ تە بەینە مال و من گۆتێ بلا و من گۆتێ من ببە نێزیك گورستانا بەرۆشكێ ئەگەر من دەرگەهێ وان دیت دێ چمە ژوور و ئەگەر من نەدیت ئەز ئەف شەڤە مێهڤانێ تەمە و ئەو كەس گەلەك خوش مرۆڤ بوو و گۆت سەر چاڤێن برایێ خوە و هاتمە نێزیك گورستانا بەرۆشكێ و من دەرگەهـ دیت و من گۆتێ بخێر بچی و گەلەك گوت بمینم من گۆتێ نە بخێر بچی و نێزیكی ئێكی شەڤێ بوو و من دەرگەه قوتا و سەحكمێ دەیكا هەڤالێ من یا هشیارە و هێشتا یا مالا خوە پاقژ دكەت گۆت تو كی ؟ من گۆتێ دەیكا (عەبدلڕەحمان) دەرگەهی ڤە كە و گۆت (كامل) توی؟؟ من گۆتێ بەلێ و مە ژ دەنگی ئێكدو نیاسی، من گۆتێ كا جهەكی بوومن بدانن دا بنڤم، گۆت هەتا دەمژمێر 12 دایك و باب و هەڤژینا تە ل ڤێرە بوون من گۆتێ مانێ ب مالا خوە ناكەڤم گۆت بلا كورەكێ مە ل گەل تە بهێت و مالا تە نیشاتە بدەت و ترۆمبێلەك ئینا و برمە تاخێ رەزا و مالا مە وان بەرامبەر ئێك بوو و برمە بەر دەردەرگەهی و ل جەرسێ دا و مالا مە هشیاربوون و زانی ژ زیندانێ دەركەفتم.
ل دووماهیێ، زیندانیێ سیاسی، كامل یاسین دۆسكی، گۆت: دپەشێمان نین ل سەر رێبازا هاتینە پەروەردەكرن و هاتینە ئاڤاكرن و هەمی هیڤی و ئومێدێن مە ئەوە كوردستان یا پاراستی بیت و زێدەتر خزمەتا ڤێ تەخا كوردستانێ بهێتەكرن چونكە زیندانیێن سیاسی گەلەك نەخوشی و دەردەسەری پێخەمەت ئازادی یا كوردستانێ داینە.
