وەزارەتا ساخلەمیێ خـۆبـەخش ژی مـرۆڤــن!
رۆژا مەجید
بەریا چەند رۆژەكا من سەرەدانا نەساخەكی ل نەخۆشخانەكا حكومی كر و نێزیكی 30 خۆلەكا ل وێرێ مام و من دیت كانێ چەند كادرێ ساخەمیێ ژ پزیشك و هاركارێن وان و برینپێچان چەند دوەستیێن ژ بۆی چارەسەریێ و هاریكاریا نەساخان بكەن. من ژی گۆتە دو پەرستیاران خودێ هاریكارێ هەوە بیت، هوون گەلەك د كارێ خۆ دا ماندی دبن. پێدڤییە وەزارەتا هەوە باش چاڤی خۆ ب پاداشتا بدەتەوە.
هەر دو دو ب نە ژ دلی دكەنین، من گۆتێ بۆ دكەنن؟ گۆتنە من خانم ئەم پاران ژی ل سەر كارێ خۆ ددەین! چاوا هۆسا ئێك ژ وان هەردویان گۆتی. ئەڤە پتر ژ پێنج سالانە ئەم وەك خۆبەخش و بێ بەرانبەر ل نەخۆشخانەیێن حكومی كاردكەین و ل كیستێ خۆ ژی هاتنوچوونێ دكەین و جلێن تایبەت یێن ساخلەمیێ د ناڤ نەخۆشخانێ دا ئەم ب خۆ دكرین.
ب راستی ب ئاخفتێن وان گەلەك دلگران بووم. من نەدزانی چ بێژم. چونكی ل دویڤ ئاخفتێن وان. حەفتیەكێ نۆبەدار د بن ژ حەفتی ئێڤاری بۆ هەشتی سپێدێ و گەلەك ژ وان ل دویڤ دەمژمێرین دەواما رۆژانە یا ساخلەمیێ.
ل ڤێرێ من دڤێت بێژم ئەڤ كارێ هۆسا ب زەحمەت و مترسیدار و ڤان دەمژمێرێن گەلەك ژ كاری و خزمەتا هەمی هەڤوەلاتیان، كو ب شەڤ و رۆژ ل سەر كارینە و رۆژانە روحا هزارەسا نەساخا رزگار دكەن. هیچ هزرەك بۆ ژیار و ماندیبوونا وان ناهێتەكرن. ئەڤ گەنجێن هۆسا جوان و تۆلاز بێ مووچە و هاریكاری و بەریكا ڤالا دهێنە سەر كاری.
وەك بینیت هەر سال ب هزاران كەس ل وەزارەتێن دی دهێنە دامەزراندن یان ب گرێبەست یان ب وانەیا دهێنە دانان. ب تنێ كارمەندێن وەزارەتا ساخلەمیێ ژ هاریكارێن نۆژداری و برینپێچان ب خۆبەخشی كاردكەن.
لەوما داخوازێ ژ وەزیرێ ساخلەمیێ دكەین كو پێدڤیە چاڤخشینەكێ ل سەر ڤان كادرێن خۆبەخش یێن پزیشكی بكەن كو گەلەك ژ وان نێزیكی 10 سالان خۆبەخش و بێ بەرامبەر كار دكەن.
