ئەگەرێ پڕبوونا بیردانکا ئایفۆنێ بۆ چ دزڤڕیت ؟
پەروین سەلاح:
ئەو کەسێن مۆبایلا ئایفۆنێ بکاردئینن گازندا وێ چەندێ هەیە دبێژن ئەم نەشێین هند مۆبایلا خۆ پڕ بکەین ژ وێنە و ڤیدیۆ یان ژ بەر کو بیردانکا ئایفۆنێ ژی پڕ دبیت و ئەڤە بۆ وان دبیتە ئاریشە لێ زۆربەیی جاران بیردانكا مۆبایلا ئایفۆنێ تژی دبیت ژ ئەگەرێ هەلگرتنا گەلەک وێنە و ڤیدیۆیێن ب کوالێتییا بلند، زێدەباری داونلۆدکرنا گەلەک ئەپلیکەیشن و یارییان. هەروەسا، هندەک ئەپلیکەیشن جهەکێ مەزن ژ بیردانکێ دبەن، ب تایبەتی ژی ئەوێن کو داتایێن دەمکی بکار دئینن یان فایلێن مەزن هەلدگرن ئەگەرێن پڕبوونا ئایفۆنێ بۆ چەند خالان د زڤریت.
– وێنە و ڤیدیۆ:
وێنە و ڤیدیۆیێن ب کوالێتییا بلند مەزنترین جهـ ژ بیردانکێ دبەن. هەر چەند کوالێتییا وێنە و ڤیدیۆیان بلندتر بیت، قەبارێ وان مەزنتر دبیت و جهەکێ پترتر ژ بیردانکا ئایفۆنێ دگرن.
– ئەپلیکەیشن و یاری:
ئەپلیکەیشن و یاری، ب تایبەتی ئەوێن کو گرافیکێن ب کوالێتییا بلند تێدا هەین، دشێن جهەکێ مەزن ژ بیردانکێ بگرن.
– داتایێن دەمکی:
هندەک ئەپلیکەیشن داتایێن دەمکی (کاش) کوم دکەن ژبۆ کو کارکرنا وان ب لەزتر بیت، لێ ئەڤ داتایە دشێن گەلەک ببن و جهەکێ مەزن ژ بیردانکا مۆبایلێ بگرن.
– فایلێن دی:
فایلێن دی یێن کو جھێ ھلگرتنێ بکار دئینن دشێن ڤان تشتان ب خوه‌ڤە بگرن؛ فایلێن سیستەمی، بەلگەنامە و نامە، و ئەو فایلێن کو ژ ئنترنێتێ دھێنە داونلود کرن.
هه روه‌سا سێ بەرنامە هەنە ئەو بە رنامێن دبنە ئەگەر کو بیردانکا مۆبایلاتە پێ پڕ ببیت ئەڤەنە (سناپ چات و تلیگرام و واتس ئاپ)ن دێ چەوا ژ ئاریشەیا ڤێ پڕبوونێ رزگار بی دێ چیە ناڤا بیردانکا ڤان بەرنامان دێ کلیکێ ل سەر رێکخستنا بەرنامە دەیی و ئە و وێنە فیدیۆیێن تێدا دێ هەموویان دیلێت كه‌یی، دا تو ژڤێ ئاریشێ رزگار بی. هەردیسان ئەگەر تە هەر ئاریشە د گەل پربوونا وێنە ڤیدیریان هەبوو دێ بۆ خوه بەرنامێ (mega) زێده كه‌یی. ئەڤی بەرنامەیی دێ شێی جیمێلێ خوه زێده کەیی و بهایێ ٢٠ گێگا بایتا تو دێ شێی وێنە و ڤیدیۆیێن خوه کەیە دڤی بەرنامەیی دا، دا کو ئێدی تە ئەڤ ئاریشە نەبیت.
به‌لێ ئەگەر تە بڤێت تو ژ ئاریشا کێمبوونا بیردانکا ئایفۆنێ رزگار ببی ل دووڤ ڤان رێیان هەرە:
– ژێبرنا ئەپلیکەیشنێن نەهاتینە بکارئینان.
– وان ئەپلیکەیشنان دیلێت كه‌ن یێن کو تو بکار نائینی دا کو جھەکێ مەزن ژ بیردانکا ئایفۆنێ ڤالا بکە.
– ڤەگوهاستنا وێنە و ڤیدیۆیان بۆ iCloud یان بۆ کۆمپیۆتەرێ تە؛ تو دشێی جھەکێ مەزن ڤالا بکەیی ب ڤەگوهاستنا وێنە و ڤیدیۆیێن کوالێتی بلند بۆ خزمەتگۆزاریێن عەوری (cloud) یان بۆ کۆمپیۆتەرێ خوە.
– پاقژکرنا داتایێن دەمکی یێن ئەپلیکەیشنان؛ تو دشێی داتایێن دەمکی یێن ئەپلیکەیشنان پاقژ بکەیی دێ چیە د ناڤا ڕێکخستنێن (Settings) ئایفۆنێ دا ژبۆ ئەپلیکەیشنی یان ب رێیا بکارئینانا ئەپلیکەیشنێن تایبەتمەند یێن پاقژکرنێ.
