د بەرنامەیەكێ تەلەفزیۆنی دا بەرنیاس بوو
سۆلین سلێمان:
سترانبێژ (ئازیتا لۆقمان) كو خەلكا رۆژهەلاتێ كوردستانێ یە، لێ ئەڤە چەند سالن ل هەولێرا پایتەخت دژیت، د دیدارەكێ دا بۆ رۆژنامەیا ئەڤرۆ گۆت: دژیەكێ بچووكدا حەزا سترانگۆتنێ بۆ من چێبوو، هندەك جاران من ستران بۆ ئەندامێن خێزانێ و هەڤالێن خوە دگۆتن، وان دگۆتنە من دەنگێ تە یێ خۆشە بەردەوامبە ئەم دێ پشتەڤانیا تە كەین، ل سالا 2017 بەرنامەیەكێ تایبەت ب سترانێن زارۆكان ڤە دەركەفت من پشكداری دوی بەرنامەی دا كر و شیام پلا ئێكێ دوی بەرنامەی دا ب دەستڤەبینم، لەورا دشێم بێژم دەستپێكا دروست ژوی بەرنامەی دەستپێكر و هەتا نوكە یا بەردەوامم و من سترانێن خوە یێن تایبەت هەنە.
هەروەسا گۆت: كەیفخۆشم پشتی وی بەرنامەی ئەز بەرنیاس بووم، بۆ زانین من هونەر ب شێوەیەكێ ئەكادیمی نەخواندیە، ئانكو نەچوویمە پەیمانگەها هونەرێن جوان یان خۆلێن مۆزیكێ، بەلكو ئەڤە بەهرەیەكە خودێ دایە من و دووماهی ستران ب ناڤێ (سەفەر) بەری چەند هەیڤان من و برایێ خوە پێكڤە ب شێوێ دوقۆلی تۆماركر بوو كو ژ پەیڤێن (درباز یونس) بوو، نوكە پتری لایڤ مۆزیكا مە.
