هالاندی زەنگا هەڤڕكیێ بۆ هێرشبەران لێدا
هند نە ڤەكێشا ستێرێ نەرۆیجی ئیرلینگ هالاند و یاریزانێ یانەیا مانچستەر ستی یا ئنگلتەرایێ دوبارە دەست ب تۆماركرنا گۆلان و زەنگا هەڤڕكیێ بۆ هەموو هێرشبەرێن خولێ لێدا.
ئەڤچەندە هات پشتی یانەیا مانچستەر ستی شیایی د یارییا ڤەكرنا خولێ دا ب چار گۆلێن پاقژ سەركەڤتنێ ل سەر خودانێن ئەردی وولفەر هامبتۆن بینت، دو گۆلێن مان ستی ئیرلینگ هالاندی تۆماركربوون كو دبیتە یارییا چارێ یا ڤەكرنا خولێ د ماوەیێ چار سالێن وی دگەل مان ستی گۆلا تۆماربكەت، دیسان ب سەرپەرشتییا گواردیۆلایی ڕاهێنەرێ تیمێ هالاند خودان مەزنترین ڕێژا گۆلایە كو 98 یارییان دا 86 گۆل تۆماركرینە پێشكەڤتییە ژ رەحیم ئسترلینگ 85 گۆل ژ 198 یارییان و سێرجیۆ ئەگۆێرۆ 82 گۆلان ژ125 یارییان.
