خافیێر ئاراساتی: دادڤانی شاشیێن ئەنقەست دژی مە هەبوون
دگەل دەستپێكرنا وەرزێ نوو یا خولا پلا ئێكا ئسپانیا یا فوتبۆلێ ناكۆكی بەرانبەر دادڤانان سەرهلدا تایبەت یارییا ریال مایۆركا بەرانبەر بەرشەلۆنا كو نەڕازیبوون پەیدابوویە.
ئێكەم نەڕازیبوون پشتی گۆلا دویێ یا بەرشەلۆنا كو د وی دەمی دا ئەنتۆنیۆ ڕایلۆ یاریزانێ مایۆركا كەڤتبوو ئەردی و دادڤانی یاری نە ڕاوەستاند، دیسان یاریزانێ مایۆركا فیدات مۆریكی ب كارتا سۆر هاتبوو دوورئێخستن پشتی دربەك ل گۆلپارێزێ بەرشەلۆنا دایی، لێ هەمان شێوەیی دربی یاریزانێ بەرشەلۆنا ڕاڤینیا ل یاریزانەكێ مایۆركا دا دادڤانی بتنێ كارتا زەر دایێ.
رۆژنامەیا سپۆرت یا ئسپانی دیاركر خاڤیێر ئاراساتی ڕاهێنەرێ مایۆركا گۆت: یاری ب نەهـ یاریزانان مەحالە، ئەوا باش یاریزان ب پشتەڤانییا جەماوەری ئاستەكێ باش نیشاندا، دادڤانی شاشیێن ئەنقەست هەبوون، نە یا ڕەوایە یاریزانەك ب كارتا سۆر بهێتە دوورئێخستن و هەمان شێوەیێ دربی یاریزانێ هەڤڕك نە هێتە دوورئێخستن.
