ل بەردەڕەشێ ب گوژمێ 305 ملیار دیناران پڕۆژەیەكێ ستراتیژیێ ئاڤێ دێ هێتە بجهئینان
رەمەزان زەكەریا:
ئەڤ سالە ل دەڤەرداریا بەردەڕەشێ پڕۆژەكێ مەزنێ ئاڤێ ب گوژمێ 305 ملیار دیناران دێ هێتە بجهئینان، كو سەنتەرێ بەردەڕەشێ و ناوچەداریا دارەتوو و 57 گوندێ دێ ژ پڕۆژەی مفاداربن.
ئاری ئەحمەد، رێڤەبەرێ ئاڤا هەرێما كوردستانێ راگەهاند: رازیبوون ل سەر پڕۆژەیێ ئاڤا دەڤەرداریا بەردەڕەشێ هاتیەكرن و ئاڤ ژ زێیێ مەزن بۆ ناڤ سەنتەرێ دەڤەرداریێ و ناوچەداریا دارەتوو و 57 گوندان دێ هێتە راكێشان و گۆت: «بڕیارە د دەمەكێ نێزیك دا دەست بجهئینانا پڕۆژەی بهێتە كرن».
ناڤبری گۆتژی: «حكومەتا هەرێما كوردستانێ د چارچوڤێ دابینكرنا ئاڤێ بۆ وەلاتیان بەردەوامە و چەندین پڕۆژەیێن ستراتیژی یێن ئاڤێ ل دەڤەرێن كوردستانێ ئەنجام داینە و ئەنجام ددەت».
