پێدڤیە پەیامنێر مولكێ گشتی بیت
بێوارحەمدی:
محەمەد عەزیز، پەیامنێرێ سۆشیال مەدیایا ستار، د دیدارەكێ دا بۆ رۆژنامەیا ئەڤرۆ دیاركر كو نوكە ئەو قوتابیێ پشكا راگەهاندنێ یە ل زانكۆیێ و چوونا وی بۆ وێ پشكێ ژبۆ هندێ بوویە دا بشێوەیەكی ئەكادیمی خزمەتا راگەهاندنا كوردی بكەت.
هەروەسا گۆت: هەردەم ئەز دبێژم پێدڤیە پەیامنێر مۆلكێ گشتی بیت وخزمەتا خەلكی ب راستی و وێرەكی بكەت، هەروەسا دڤێت ب شێوەیەكێ ئەكادیمی و پیشەیانە كاربكەت و خوە دوور بكەت ژ بەرژەوەندیێن تایبەت، چنكو ژلایێ یاسایێ ڤە رۆژنامەڤان یێ ئازادە و د شێت ب ئازادانە كارێ خوە بكەت، لێ ب مەرجەكی ب شێوەیەكێ دروست كارێ خوە ئەنجام بدەت و ئاریشەیێن خەلكی بگەهینتە جهێن شۆلەژێ.
